20.08.2026 | 22:23
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Հսկայական ալիքներ Տեներիֆեում. կան զոհեր
Քաղաքականություն
09.11.2025 | 16:49
Երեք մարդ Է զոհվել Տեներիֆեում հսկայական ալիքների պատճառով։ Եվս 15 մարդ տուժել է, հայտնում են ԶԼՄ-ները՝ հղում անելով փրկարարական ծառայություններին։
Կանարյան արշիպելագի ամենամեծ կղզու հարավում գտնվող Էլ Կաբեսո լողափում հայտնաբերվել է մի տղամարդ, որի մարմինը ափ է դուրս բերվել: Փրկարարներն ու բժիշկները փորձել են վերակենդանացնել նրան, սակայն ապարդյուն։
Հյուսիսում՝ Լա Գուանչա լողափի մոտ, փրկարարական ուղղաթիռը ջրից դուրս է բերել ծովն ընկած տղամարդուն, սակայն հիվանդանոց հասնելուն պես գրանցվել է նրա մահը:
Տեներիֆեի հյուսիսում գտնվող Պուերտո դե լա Կրուս քաղաքում ալիքը ծով է քշել 10 մարդ, հաղորդում է DPA գործակալությունը: Մի կին տեղում մահացել է սրտի կաթվածից, մյուսները տարբեր աստիճանի վնասվածքներով տեղափոխվել են հիվանդանոց: Փրկարարական ծառայությունները հանգստացողներին զգուշացնում են ափին ալիքների վտանգի մասին։
