16.02.2026 | 12:45
Մոսկվայի դատարանը «Դոժդ»-ի հաղորդավար Եկատերինա Կոտրիկաձեին հեռակա կարգով 8 տարվա ազատազրկման է դատապարտել
ՌԴ հեռահաղորդակցության օպերատորների բաժանորդների բջջային ինտերնետը և SMS ծառայությունները 1 օրով կանջատվեն՝ ռոումինգին միանալուց հետո
Քաղաքականություն
07.11.2025 | 21:38
Ռուսական հեռահաղորդակցության օպերատորների այն բաժանորդների համար, ովքեր գտնվել են միջազգային ռոումինգում կամ չեն օգտագործել իրենց SIM քարտերն ավելի քան 72 ժամ, բջջային ինտերնետը և SMS ծառայությունները 24 ժամով կանջատվեն, գրում է Meduza-ն։
Շուտով նախատեսվում է ներդնել կապի ծառայությունների մատուցման նոր ընթացակարգ, հաղորդում է «Կոմերսանտը»՝ հղում անելով շուկայի մի քանի աղբյուրների։
Արգելափակման ժամանակահատվածը կրճատելու համար բաժանորդներին կխնդրեն ստուգում անցնել՝ հետևելով SMS-ում հղմանը, որից հետո կապը կվերականգնվի, հայտնել են լրատվամիջոցի աղբյուրները։ Նրանք նշել են, որ այս միջոցառումն ուղղված է «չարտոնված» SIM քարտերի դեմ պայքարին, որոնք կարող են օգտագործվել անօդաչու թռչող սարքերի հարձակումների համար։
Արտասահմանյան SIM քարտերի համար ավելի վաղ սահմանվել էր «սառեցման ժամանակահատված», որի ընթացքում սահմանափակվում են կապի ծառայությունները: Այս սահմանափակումը նույնպես հիմնավորվել էր բջջային կապ օգտագործող անօդաչու թռչող սարքերի դեմ պայքարով:
Թարգմանությունը՝ Էմմա Չոբանյանի
