20.05.2026 | 22:00
Փաշինյանը որ այդ քարտեզը բաժանում է, անգամ այդտեղից են տարածքներ զիջել․ երկիրը կործանման են տարել. Մանուկ Սուքիասյան. ՏԵՍԱՆՅՈՒԹ
ՄԱԿ-ի ԱԽ-ն չեղարկել է Սիրիայի նախագահի և ներքին գործերի նախարարի նկատմամբ սահմանված պատժամիջոցները
Քաղաքականություն
07.11.2025 | 12:09
ՄԱԿ-ի Անվտանգության խորհուրդը բանաձև է ընդունել, որով Սիրիայի ժամանակավոր նախագահ Ահմեդ ալ-Շարաային և ժամանակավոր կառավարության ներքին գործերի նախարար Անաս Խաթաբին հանել է ՄԱԿ-ի պատժամիջոցների ցանկից, փոխանցում է The Insider-ը։
ԱՄՆ-ի կողմից ներկայացված բանաձևին աջակցել են Անվտանգության խորհրդի 15 անդամներից 14-ը, այդ թվում՝ Ռուսաստանը։ Չինաստանը ձեռնպահ է մնացել։
Ավելի վաղ հաղորդվել էր, որ Ահմեդ ալ-Շարաան նոյեմբերի 10-ին Սպիտակ տանը կհանդիպի ԱՄՆ նախագահ Դոնալդ Թրամփի հետ։ Սա նրա առաջին այցը կլինի Միացյալ Նահանգներ։ Axios-ը, հղում անելով Սիրիայի հարցերով ԱՄՆ հատուկ ներկայացուցիչ Թոմ Բարաքին, նշել է, որ ալ-Շարաան, ենթադրաբար, կստորագրի համաձայնագիր՝ միանալու ԱՄՆ-ի գլխավորած կոալիցիային, որը պայքարում է ԻԼԻՊ-ի դեմ։
Այս տարվա սեպտեմբերին, Սիրիայի արտաքին գործերի նախարար Ասադ ալ-Շիբանին 25 տարվա ընթացքում առաջին անգամ այցելել էր Միացյալ Նահանգներ։
Թարգմանությունը՝ Էմմա Չոբանյանի
