12.01.2026 | 12:30
«Բրավո՛, Հայաստան»․ Քոնոր Մաքգրեգորը պատմել է իր երազանքի մասին
ԱՄՆ-ը ՄԱԿ-ին առաջարկել է վերացնել Սիրիայի նախագահ դեմ պատժամիջոցները․ նա Վաշինգտոնում հանդիպելու է Թրամփին
Քաղաքականություն
05.11.2025 | 13:58
ԱՄՆ-ը պատրաստել է ՄԱԿ-ի Անվտանգության խորհրդի բանաձևի նախագիծ, որը ենթադրում է Սիրիայի ժամանակավոր նախագահ Ահմեդ ալ-Շարաայի նկատմամբ պատժամիջոցների վերացում: Նա հաջորդ շաբաթ Սպիտակ տանը հանդիպելու է ԱՄՆ նախագահ Դոնալդ Թրամփի հետ: Այս մասին հաղորդում է Reuters-ը՝ վկայակոչելով փաստաթուղթը, փոխանցում է The Insider-ը։
Բանաձևի նախագծում նաև կոչ է արվում վերացնել Սիրիայի ներքին գործերի նախարար Անաս Խաթթաբի նկատմամբ պատժամիջոցները: Ըստ գործակալության՝ Միացյալ Նահանգները մի քանի ամիս է՝ կոչ է անում Անվտանգության խորհրդի անդամներին մեղմացնել Սիրիայի դեմ պատժամիջոցները։
Դեռևս պարզ չէ, թե այս բանաձևը երբ կարող է դրվել ընդհանուր քվեարկության: Դրա ընդունման համար անհրաժեշտ է առնվազն 9 կողմ ձայն և Ռուսաստանի, Չինաստանի, ԱՄՆ-ի, Ֆրանսիայի կամ Մեծ Բրիտանիայի կողմից վետոյի չկիրառում։
Սիրիայի ժամանակավոր նախագահ Ահմեդ ալ-Շարաայի առաջին այցը Սպիտակ տուն նախատեսվում է հաջորդ երկուշաբթի՝ նոյեմբերի 10-ին, որտեղ նա պետք է հանդիպի ԱՄՆ նախագահ Դոնալդ Թրամփի հետ: Սպիտակ տան մամուլի քարտուղարը հաստատել է տեղեկությունը: Ալ-Շարաան, ենթադրաբար, ԱՄՆ-ի գլխավորած կոալիցիային միանալու համաձայնագիր կստորագրի, որը պայքարում է ԻԼԻՊ-ի դեմ:
Ըստ Reuters-ի՝ ալ-Շարաայի Վաշինգտոն այցի համար, հավանաբար, որևէ խոչընդոտ չի լինի, նույնիսկ եթե Անվտանգության խորհուրդը մինչև երկուշաբթի չքվեարկի նրա դեմ պատժամիջոցները չեղարկելու օգտին: ՄԱԿ-ի Անվտանգության խորհրդի պատժամիջոցների կոմիտեն այս տարի արդեն տրամադրել է ալ-Շարաային ճանապարհորդելու համար թույլտվություններ։
Ավելի վաղ՝ այս տարվա սեպտեմբերին, Սիրիայի արտաքին գործերի նախարար Ասադ ալ-Շիբանին 25 տարվա ընթացքում առաջին անգամ այցելել էր Միացյալ Նահանգներ։
Թարգմանությունը՝ Էմմա Չոբանյանի
