31.10.2026 | 22:55
Հայտնաբերվել է զինծառայողի դի. ՊՆ
Ղազախական հացահատիկով գնացքը Ադրբեջանից ուղևորվել է Հայաստան․ ՏԵՍԱՆՅՈՒԹ
Քաղաքականություն
06.11.2025 | 11:25
Ղազախական հացահատիկով բեռնված գնացքն Ադրբեջանից մեկնել է Հայաստան։ Ադրբեջանական լրատվամիջոցները գրում են, որ գնացքն արդեն մեկնել է Բիլաջարի կայարանից։
Նշվում է, որ գնացքը կշարունակի ընթացքը Բիլաջարի-Հաջիգաբուլ-Բույուկ Քյասիկ երթուղով, որտեղից բեռը կտեղափոխվի ավելի հեռու՝ Վրաստան, որտեղից էլ Հայաստանի Դալարիկ կայարան։
Ավելի վաղ Բիլաջարի երկաթուղային կայարան է ժամանել 15 վագոնից բաղկացած բեռնատար գնացքը։ Այն տեղափոխում է 1048,8 տոննա ցորեն։
«Երեկ Ռուսաստանից Ադրբեջանով Հայաստան է ուղարկվել 1048,8 տոննա հացահատիկով բեռնված 15 երկաթուղային վագոն։ Բեռները հասցվում են Վրաստան, որտեղից էլ՝ Հայաստան»,- լրագրողների հետ զրույցում ասել է «Ադրբեջանական երկաթուղիներ»-ի հասարակայնության հետ կապերի բաժնի պետ Բահտիյար Հաջիևը։
Նա նաև հայտարարել է, որ սկսվել է ղազախական հացահատիկի փոխադրումը Հայաստան՝ Ադրբեջանի տարածքով: Նոյեմբերի 5-ին Ադրբեջան է ժամանել 15 վագոն, որոնք տեղափոխում են մոտ 1000 տոննա հացահատիկ Ղազախստանից ուղարկված։
«Ակնկալվում է, որ Ադրբեջանով են ուղարկվելու և՛ Ռուսաստանից, և՛ Ղազախստանից Հայաստան հետագա բեռնափոխադրումները»,- ասել է Հաջիևը:
Հավելենք, որ ռուսական ցորենով բեռնված գնացքն արդեն ժամանել է Հայաստան՝ անցնելով Ադրբեջանի և Վրաստանի տարածքով։
Թարգմանությունը՝ Էմմա Չոբանյանի
