28.04.2026 | 20:00
«Փող չկա» ասողը հիմա բժիշկն է․ անվճար բուժման թաքնված ՇԵՐՏԵՐԸ. ՏԵՍԱՆՅՈՒԹ
Հայաստանի ու Հունգարիայի նախագահները քննարկել են երկու երկրների միջև հարաբերությունների սերտացման հնարավոր ուղիները
Քաղաքականություն
04.11.2025 | 21:37
Աշխատանքային այցով Դոհայում գտնվող նախագահ Վահագն Խաչատուրյանը ՄԱԿ-ի սոցիալական զարգացման հարցերով երկրորդ համաժողովի շրջանակներում հանդիպել է Հունգարիայի նախագահ Տամաս Սուլյոկի հետ, որի ընթացքում կարևորվել է բարձրաստիճան փոխայցելությունների և հանդիպումների շարունակականությունը։ Այս մասին տեղեկացնում են ՀՀ նախագահի աշխատակազմից։
«Հանդիպման ընթացքում քննարկվել են Հայաստանի և Հունգարիայի միջև հարաբերությունների սերտացման հնարավոր ուղիները։ Կողմերը կարևորել են ավիափոխադրումների և դեղագործական ոլորտներում ձևավորված արդյունավետ համագործակցությունը՝ ընդգծելով հատկապես տնտեսական ոլորտում կապերի ընդլայնման անհրաժեշտությունը։
Նախագահները նաև առանձնացրել են Հունգարիայի հայ համայնքի կարևոր դերը երկու երկրների հարաբերությունների ամրապնդման գործում։ Տամաս Սուլյոկը նշել է, որ շնորհիվ հայ համայնքի ակտիվ գործունեության՝ Հունգարիայում Հայաստանն ընկալվում է որպես բարեկամ երկիր։
Նախագահ Վահագն Խաչատուրյանը բարձր է գնահատել ինչպես հունգարահայերի, այնպես էլ ընդհանրապես ազգային փոքրամասնությունների նկատմամբ Հունգարիայի իշխանությունների որդեգրած հարգալից և ներառական քաղաքականությունը»,- ասվում է հաղորդագրությունում։
Ըստ հաղորդագրության՝ երկուստեք կարևորվել է բարձրաստիճան փոխայցելությունների և հանդիպումների շարունակականությունը, որոնք նոր խթան են հաղորդում գործարար շրջանակների համագործակցության ակտիվացմանը և երկու ժողովուրդների փոխադարձ ճանաչողության խորացմանը։
