29.06.2026 | 20:51
«Հարյուրավոր աշխատանքից ազատվածնե՞ր». Նարեկ Կարապետյանի պնդման հետքերով․ ՏԵՍԱՆՅՈւԹ
Հռոմի կենտրոնում պատմական աշտարակը մասամբ փլուզվել է. կան տուժածներ
Քաղաքականություն
03.11.2025 | 20:47
Հռոմի միջնադարյան Տորե դեի Կոնտի աշտարակը մասամբ փլուզվել է։ Քաղաքի պատմական կենտրոնում գտնվող աշտարակը մասամբ փլուզվել է, որտեղ վերականգնողական աշխատանքներ էին իրականացվում, գրում է Current time-ը:
ANSA-ի հաղորդմամբ՝ փրկարարները փլատակներից դուրս են բերել 64-ամյա աշխատողի և ծանր վնասվածքներով տեղափոխել հիվանդանոց։ Երկու այլ անձինք հրաժարվել են հոսպիտալացումից։
Մեկ մարդ մնում է փլատակների տակ։ Ազգային հրշեջ ծառայության ներկայացուցիչ Լուկա Կարին նշել է, որ նրան դուրս բերելու աշխատանքները բարդանում են հետագա փլուզումների վտանգի պատճառով։
Հռոմի դատախազությունը հետաքննություն է սկսել միջադեպի հետ կապված՝ այն որակելով որպես «պատահական մարմնական վնասվածք»։
Կոնտի աշտարակը կառուցվել է Հռոմի պապ Իննոկենտիոս III-ի պատվերով իր ընտանիքի համար՝ 13-րդ դարի սկզբին: Շենքում մի ժամանակ տեղակայված էին Հռոմի քաղաքապետարանի գրասենյակները, սակայն այն չի օգտագործվում 2006 թվականից ի վեր և քառամյա ծրագրով վերանորոգման փուլում է, որը նախատեսվում է ավարտել հաջորդ տարի:
Թարգմանությունը՝ Էմմա Չոբանյանի
