29.06.2026 | 22:55
Արման Եղոյանը՝ ԱԺ նախագահի թեկնածու չընտրվելու մասին. ՏԵՍԱՆՅՈւԹ
Հայ-թուրքական սահմանի բացումը դեռ չի քննարկվում․ թուրքական դիվանագիտական աղբյուր
Քաղաքականություն
03.11.2025 | 18:18
Հայաստան-Թուրքիա սահմանի բացման վերաբերյալ քննարկումներ դեռ չեն ընթանում։ Անկարայի ու Երևանի հարաբերությունների կարգավորման բանակցությունները շարունակվում են: Այս մասին ՌԻԱ Նովոստիին հայտնել է թուրքական դիվանագիտական աղբյուրը։
«Ներկայում խոսքը հարաբերությունների կարգավորման մասին է, այլ ոչ թե սահմանի բացման։ Այս հարցը կախված կլինի գործընթացից, դեռևս հստակ ժամանակացույց չկա»,- ասել է աղբյուրը։
Հավելենք, որ վերջերս ՀՀ վարչապետ Նիկոլ Փաշինյանը Վրաստանում մասնակցել էր «Մետաքսի ճանապարհ» 5-րդ համաժողովին և հայտարարել, որ առաջիկայում Հայաստան-Թուրքիա սահմանը կարող է բացվել։
«Ուրախ եմ նաև արձանագրել, որ Թուրքիայի հետ Հայաստանի ծավալած դրական երկխոսությունը հույս է տալիս, որ մենք առաջիկայում կարող ենք նաև Հայաստան-Թուրքիա սահմանի բացում ունենալ։ Բայց մինչ այդ՝ նշեմ, որ մենք ոչ միայն քաղաքական, այլև տեխնիկական առումով պատրաստ ենք հենց այսօրվանից, առանց չափազանցության՝ հենց այսօրվանից Հայաստանի Հանրապետության տարածքով ապահովել բեռնատար ավտոմեքենաների տարանցումը Թուրքիայից դեպի Ադրբեջան և Ադրբեջանից դեպի Թուրքիա։ Հայաստանի տարածքում թե՛ ճանապարհները, թե՛ սահմանային ենթակառուցվածքները պատրաստ են դրա համար՝ Մարգարա-Եղեգնաձոր-Սիսիան-Գորիս երթուղով»,- հայտարարել էր Փաշինյանը։
Թարգմանությունը՝ Էմմա Չոբանյանի
