06.12.2025 | 12:34
Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Թրամփը հայտարարել է, որ չի դիտարկում Ուկրաինային «Tomahawk» հրթիռների մատակարարումը
Քաղաքականություն
03.11.2025 | 11:00
ԱՄՆ նախագահ Դոնալդ Թրամփը հայտարարել է, որ չի դիտարկում Ուկրաինային հեռահար «Tomahawk» հրթիռների մատակարարումը, փոխանցում է BBC-ի ռուսական ծառայությունը։
Air Force One նախագահական ինքնաթիռում լրագրողի հարցին՝ արդյո՞ք դիտարկում է այդ զենքերը Կիևին մատակարարելու հարցը, Թրամփը պատասխանել է. «Իրականում՝ ոչ»։
Ավելի վաղ CNN-ը, հղում անելով ամերիկյան ու եվրոպական երկրներում աղբյուրներին, հայտնել էր, որ Պենտագոնը համաձայնել է «Tomahawk» հրթիռներն Ուկրաինային փոխանցելու հնարավորությանը, սակայն այս հարցի վերաբերյալ վերջնական քաղաքական որոշումը պետք է կայացնի ԱՄՆ նախագահ Դոնալդ Թրամփը։
Մինչ այդ էլ Դոնալդ Թրամփը Վաշինգտոնում ՆԱՏՕ-ի գլխավոր քարտուղար Մարկ Ռյուտեի հետ հանդիպումից հետո մամուլի ասուլիսում հայտարարել էր, որ «Tomahawk» հեռահար թևավոր հրթիռների աշխատանքը յուրացնելը պահանջում է առնվազն վեց ամիս, սովորաբար՝ մեկ տարի ժամանակ։ Թրամփը որպես այդ հրթիռները Կիևին փոխանցելու դժվարությունների պատճառներից մեկը նշել էր հենց ուսուցման տևողությունը։
Թարգմանությունը՝ Էմմա Չոբանյանի
