31.10.2026 | 22:55
Հայտնաբերվել է զինծառայողի դի. ՊՆ
Թրամփը որոշել է Tomahawk հրթիռներ չփոխանցել Ուկրաինային
Քաղաքականություն
23.10.2025 | 11:46
ԱՄՆ նախագահ Դոնալդ Թրամփը Վաշինգտոնում ՆԱՏՕ-ի գլխավոր քարտուղար Մարկ Ռյուտեի հետ հանդիպումից հետո մամուլի ասուլիսում հայտարարել է, որ Tomahawk հեռահար թևավոր հրթիռների աշխատանքը յուրացնելը պահանջում է առնվազն վեց ամիս, սովորաբար՝ մեկ տարի։ Թրամփը որպես այդ հրթիռները Կիևին փոխանցելու դժվարությունների պատճառներից մեկը նշել է ուսուցման տևողությունը, գրում է BBC-ի ռուսական ծառայությունը։
ԱՄՆ նախագահը դրանք տրամադրելու հնարավորության մասին ակնարկել էր անցյալ ուրբաթ Սպիտակ տանը Ուկրաինայի նախագահ Վլադիմիր Զելենսկիի հետ հանդիպումից առաջ, սակայն հետագայում հստակեցրել էր, որ դա տեղի չի ունենա։
Նման ուսուցման բացակայության դեպքում, Թրամփի խոսքով, ուկրաինական զինվորականները կարող են հրթիռները գործարկել միայն այն դեպքում, «եթե մենք դա անենք, իսկ մենք դա չենք անի», պարզաբանել է ԱՄՆ նախագահը։
Միևնույն ժամանակ, Թրամփը նշել է, որ Միացյալ Նահանգները չի ծրագրում ուսուցանել այլ երկրներից զինվորականների՝ ինչպես կիրառել Tomahawk-ները։
Ավելի վաղ լրատվամիջոցները հայտնել էին, որ ԱՄՆ նախագահ Դոնալդ Թրամփը Վաշինգտոնում հոկտեմբերի 17-ին Ուկրաինայի նախագահ Վլադիմիր Զելենսկիի հետ հանդիպման ժամանակ հրաժարվել է Կիևին փոխանցել հեռահար Tomahawk հրթիռներ։
Թարգմանությունը՝ Էմմա Չոբանյանի
