Բաքվում ավարտվել է Արցախի ղեկավարների շինծու գործերով դատաքննությունը

Բաքվի  զինվորական դատարանում հոկտեմբերի 31-ին  ավարտվել է Արցախի ղեկավարների ու տարբեր պաշտոնյաների նկատմամբ հարուցված շինծու քրեական գործերով քննությունը․ գրում են ադրբեջանական լրատվամիջոցները։

Նիստը կայացել է դատավոր Զեյնալ Աղաևի նախագահությամբ։

Հայ գերիները նախ միջնորդություններ են ներկայացրել։ Այս մասին անդրադարձել ենք։

Մադաթ Բաբայանի փաստաբանի միջնորդությունը դատարանը թողել առանց քննարկման։

Արցախի նախկին նախագահ Բակո Սահակյանը պատասխանել է  իր փաստաբանի հարցերին՝ նախորդ նիստում իր կողմից ներկայացված ապացույցների հետազոտման վերաբերյալ։

Ավելի ուշ Լևոն Մնացականյանի պաշտպանը հայտարարել է, որ վերջինիս  հետ հանդիպման ժամանակ ինքը նրան է փոխանցել իր անձնական արխիվից մի քանի փաստաթղթեր՝ այն անձի քրեական գործում ներառելու համար, որի իրավունքները  պաշտպանում է, և ներկայացրել դրանք դատարանին։

Լևոն Բալայանի փաստաբան Սագի Մամեդովը նույնպես հայտարարել է, որ ցանկանում է կոնֆիդենցիալ  հանդիպել իր պաշտպանյալին։

Դատավոր Զեյնալ Աղաևը նշել է, որ ընդմիջման ժամանակ իրենց համար  կապահովվեն անհրաժեշտ պայմանները։

Դատական ​​նիստի ավարտին նախագահող դատավորը լսել է  կողմերի կարծիքները դատական ​​քննության ավարտի  վերաբերյալ։

Կողմերը չեն առարկել  դատական ​​քննության ավարտի համար։

Ադրբեջանի գլխավոր դատախազի ավագ օգնական Վյուսալ Ալիևը հայտարարել է, որ մեղադրական  կողմը գոհ է դատական ​​նիստի ընթացքում ներկայացված ապացույցներից։

Նախագահող դատավորը հայտարարել է  դատաքննության ավարտի մասին և ևս մեկ անգամ հիշեցրել գործի մասնակիցներին, որ կողմերը կարող են հղում կատարել միայն դատավարության ընթացքում հետազոտված ապացույցներին։

Դրանից հետո պետական ​​մեղադրանքին աջակցող դատախազները դիմել են դատարանին  խնդրանքով ժամանակ տալ մինչև նոյեմբերի 3-ը՝ իրենց ելույթների համար։

Որոշվել է  կողմերի ելույթները սկսել հաջորդ դատական ​​նիստում։

Հաջորդ դատական նիստը նշանակվել է  նոյեմբերի 3-ին։

Թարգմանությունը՝ Էմմա Չոբանյանի