28.11.2024 | 23:27
Վրաստանում ցուցարարները շարժվում են դեպի խորհրդարան
Անգելա Մերկելն այլևս չի առաջադրվի Գերմանիայի կանցլերի պաշտոնում
Քաղաքականություն
29.10.2018 | 16:58
Գերմանիայի կանցլեր Անգելա Մերկելը պատրաստ է կառավարության ղեկավարի պաշտոնում մնալ մինչև ժամկետի ավարտը՝ 2021 թվականը, և հրաժարվել Բունդեսթագի հաջորդ ընտրություններում իր թեկնածության առաջադրումից: Այս մասին գրում է ՏԱՍՍ-ը՝ վկայակոչելով Focus Online-ը:
Պարբերականի փոխանցմամբ՝ «Քրիստոնեա-դեմոկրատական միություն» կուսակցության խորհրդի նիստում Մերկելը հայտարարել է, որ սա կանցլերի պաշտոնում իր վերջին ժամկետն է, այլևս չի առաջադրելու իր թեկնածությունը:
Նշենք, որ Մերկելը Գերմանիայի կանցլերի պաշտոնը զբաղեցնում է 2005 թվականից:
Ավելի վաղ հաղորդվել էր, որ Հեսենում կայացած ընտրություններում ՔԴՄ-ի ձախողումից հետո նա պատրաստ է արդեն դեկտեմբերին հրաժարվել կուսակցության նախագահի պաշտոնից, սակայն մտադիր է պահպանել կանցլերի պաշտոնը: ՔԴՄ նախագահի պաշտոնում պատրաստվում է առաջադրվել կուսակցության գլխավոր քարտուղար Աննեգրետ Քրամփ-Քարենբաուերը:
DPA գործակալությանն էլ ՔԴՄ-ի աղբյուրները հայտնել են, որ 2021 թվականից հետո Մերկելը մտադիր է պաշտոն զբաղեցնել Եվրամիությունում:
