03.10.2026 | 11:48
Հայաստանի Մ-20 հավաքականը պարտվել է խոշոր հաշվով. ՏԵՍԱՆՅՈՒԹ
Բեռլինում կայացել ՀՀ-ի և Գերմանիայի ֆինանսատեխնիկական համագործակցության միջկառավարական հանձնաժողովի նիստը
Տնտեսություն
30.10.2025 | 23:37
Գերմանիայի մայրաքաղաքում կայացել է Հայաստանի և Գերմանիայի միջև ֆինանսական և տեխնիկական համագործակցության միջկառավարական հանձնաժողովի նիստը՝ ՀՀ էկոնոմիկայի նախարար Գևորգ Պապոյանի և ԳԴՀ Տնտեսական զարգացման և համագործակցության նախարարության պետքարտուղար Նիլս Աննենի համանախագահությամբ։
Էկոնոմիկայի նախարարության փոխանցմամբ՝ կողմերը քննարկել են հայ–գերմանական տնտեսական համագործակցության խորացման ուղիները՝ ընդգծելով առևտրի, ներդրումների, փոքր և միջին բիզնեսի, վերականգնվող էներգետիկայի, բարձր տեխնոլոգիաների, գյուղատնտեսության և զբոսաշրջության ոլորտներում համագործակցության ընդլայնման կարևորությունը։
«Հայաստանի և Գերմանիայի միջև ձևավորվել է ամուր ու վստահելի գործընկերություն՝ հիմնված ժողովրդավարության, օրենքի գերակայության և ներառական տնտեսական աճի արժեքների վրա։ Այսօրվա երկխոսությունը ևս մեկ քայլ է մեր համագործակցության խորացման և Հայաստանի կայուն ու կանաչ զարգացման երկարաժամկետ տեսլականին աջակցելու ուղղությամբ»,– նշել է նախարար Գևորգ Պապոյանը։
Նա շնորհակալություն է հայտնել Գերմանիային՝ Հայաստանում բարեփոխումների, կայուն զարգացման և կանաչ տնտեսության խթանման գործում ցուցաբերած շարունակական աջակցության համար։
