06.12.2025 | 18:41
Տավուշի մարզի պարեկները ձկնագողության դեպք են բացահայտել. վնասի չափը՝ շուրջ 470 հազար դրամ. ՆԳՆ
Ռուսական զորքերը հարվածել են Զապորոժիեին․ հանրակացարանի շենք է վնասվել, տուժածներ կան
Քաղաքականություն
30.10.2025 | 12:56
Ռուսական ուժերը հրթիռներով և անօդաչու թռչող սարքերով հարվածել են ուկրաինական Զապորոժիեին։ Այս մասին հայտնել է տարածաշրջանային ռազմական վարչակազմի ղեկավար Իվան Ֆյոդորովը։ Նա ասել է, որ ռուսներն օգտագործել են առնվազն 20 անօդաչու թռչող սարք և ութ հրթիռ, փոխանցում է Meduza-ն։
Վնասվել է հանրակացարանի շենքի մի քանի հարկ։ Ֆյոդորովը նշել է, որ հարվածի հետևանքով վիրավորվել է 13 մարդ։ Մեկ մարդ կարող է դեռևս փլատակներում լինել, փրկարարական աշխատանքները շարունակվում են։ Քաղաքային խորհրդի քարտուղար Ռեգինա Խարչենկոյի խոսքով՝ փրկարարները որոնում են փլատակների տակ մնացած երկու մարդու։
Ուկրաինայի ռազմաօդային ուժերը նաև զգուշացրել են անօդաչու թռչող սարքերի արձակման մասին՝ ուղղված Ուկրաինայի մի քանի շրջաններին, այդ թվում՝ Կիևին։
ДТЭК էներգետիկ ընկերությունը հայտնել է, որ հոկտեմբերի 30-ի առավոտից Կիևում, ինչպես նաև Կիևի, Օդեսայի և Դնեպրոպետրովսկի մարզերում էլեկտրաէներգիայի արտակարգ անջատումներ են՝ ռուսական զանգվածային հարվածների պատճառով։
Թարգմանությունը՝ Էմմա Չոբանյանի
