Հասարակություն
29.10.2025 | 17:56
Հոկտեմբերի 27-ին ժամը 09․20-ին ՀՀ ՆԳՆ ոստիկանության օպերատիվ կառավարման կենտրոն զանգահարած քաղաքացին հայտնել է, որ ժամը 5․30-ից մինչև 9։00-ն ընկած ժամանակահատվածում կոտրել են Դավիթ Բեկի փողոցում գործող ընկերության աշխատասենյակի դռան փականը, մտել ներս, կոտրել երկու չհրկիզվող պահարանները, գումար գողացել, ինչպես նաև՝ կոտրել գույքը։ Այս մասին Factor TV-ի հարցին ի պատասխան հայտնում են ՆԳՆ ոստիկանությունից։ Դեպքի վայր են ժամանակել Քրեական ոստիկանության գլխավոր վարչության Երևան քաղաքի վարչության ծառայողները, Ընկերության տնօրենից ընդունվել է հաղորդում։ Վնասի չափը պարզվում է։
Կազմված փաստաթղթերը փոխանցվել են Էրեբունի և Նուբարաշեն վարչական շրջանների քննչական բաժին։
Նշենք, որ դեպքին անդրադարձել է Shamshyan.com-ը՝ հայտնելով, որ խոսքը «Դրագսման» ՍՊԸ-ից ենթադրյալ հափշտակության մասին է։
«Անհայտ անձը կամ անձինք ժամը 05:30-ից մինչև 09:00-ն ընկած ժամանակահատվածում կոտրել են նշված ՍՊԸ-ի աշխատասենյակներից մեկի դռան փականը, ապա մտել ներս և այնտեղ եղած 2 չհրկիզվող պահարանները բացել են և այնտեղից գողացել մոտ 14 միլիոն դրամ: Դուրս գալիս կոտրել են նաև գույքը»,- գրել է կայքը։
Արաքս Մամուլյան
