24.04.2026 | 15:21
Հայոց ցեղասպանության 111-րդ տարելիցին հարգանքի տուրք ենք մատուցում 1,5 միլիոն զոհերի հիշատակին. Հունաստանի նախագահ
ՀՀԿ-ից հեռացած, այստեղ-այնտեղ ծվարածների մասին մի՛ մտածեք․ տեսեք, թե որտե՞ղ են նրանք ծվարել․ Արփինե Հովհաննիսյան․ ՏԵՍԱՆՅՈՒԹ
Քաղաքականություն
29.10.2018 | 13:02
Ազգային ժողովի արտահերթ նիստում այսօր քննարկվում է Ընտրական օրենսգրքի բարեփոխումների վերաբերյալ նախագիծը։ ԱԺ փոխնախագահ Արփինե Հովհաննիսյանն իր ելույթում նշեց, որ այս քննարկումը կարելի էր հրաշալի համարել, եթե այն տեղի չունենար արտահերթ ընտրություններից 42 օր առաջ, քանի որ այդքան օր առաջ Ընտրական օրենսգիրք չեն փոխում։
Նախագծի վերաբերյալ իր դիրքորոշումներից զատ՝ Արփինե Հովհաննիսյանն անդրադարձավ ԱԺ «Ելք» խմբակցության պատգամավոր Էդմոն Մարուքյանի այն դիտարկմանը, որ քաղաքականությունն ու բիզնեսը պետք է տարանջատվեն, ինչի համար էլ իրենք կողմ են ԸՕ-ում արված փոփոխություններին։ «Է՛, տարանջատե՛ք, մենք վատն էինք, դուք լա՞վը, ընտրական համակարգն ինչո՞ւ եք փոխում, եթե կա քաղաքական կամք»,- ասաց նա։
Արփինե Հովհաննիսյանը նաև խորհուրդ տվեց ՀՀԿ-ից հեռացած և այստեղ-այնտեղ ծվարածների մասին չմտածել, այլ ուշադիր նայել ու տեսնել, թե նրանք որտեղ են ծվարել։ «Ապա մի տեսեք՝ որտե՞ղ են ծվարել նրանք, ում մասին մտածում եք, թե մարզերում մազապուրծ վերարտադրություն կապահովեն»,- գործընկեր պատգամավորներին հորդորեց ԱԺ փոխնախագահը։
Արփինե Հովհաննիսյանը նաև խոսեց Վենետիկի հանձնաժողովում ԸՕ ներկայացնելու վերաբերյալ Կառավարության ներկայացուցչի գնահատականի մասին և ընդգծեց, որ Վենետիկի հանձնաժողովը ԸՕ-ի վերաբերյալ որևէ բանաձև չի ընդունել, այլ ընդամենը եղել է կարծիքների փոխանակում, և նրանք հայտնել են, որ տեղեկացված են առաջարկվող փոփոխությունների մասին։
Մանրամասները՝ տեսանյութում։
