09.06.2026 | 17:36
«Ուժեղ Հայաստան»-ի պատգամավորի թեկնածուներից 2-ը կալանավորվել է․ ՔԿ
Polymetal-ը պատրաստվում է վաճառել Կապանի ոսկու հանքը ղրղզական ընկերությանը
Տնտեսություն
29.10.2018 | 12:25
En+ Group-ի նախկին գլխավոր տնօրեն Արտյոմ Վոլինեցի ղեկավարած Chaarat Gold ընկերությունը կարող է Polymetal-ից գնել Կապանի ոսկու հանքի ակտիվները: Ըստ տեղեկությունների՝ գործարքը 75 մլն դոլար կարժենա: Polymetal-ի համար սա մեծ գործարք չէ, սակայն Chaarat-ի կարող է օգնել հասնել ցանկալի աճի: Այս մասին գրում է «Կոմերսանտ» պարբերականը:
Polymetal-ում հաստատել են Kapan Mining and Processing Company-ի ակտիվները ղրղզական Chaarat-ին վաճառելու հարցով բանակցություններ վարելու փաստը: Ընկերությունը դեռևս օգոստոսին հայտնել էր, որ ծրագրում է ԱՊՀ-ում հանք ձեռք բերել. հիմա արդեն հաստատել է, որ խոսքը Կապանի մասին է: Այն ներառում է նույնանույն գործող հանքը, դեռևս չմշակվող Լիճքվազ հանքավայրն ու հարստացուցիչ կոմբինատը:
Ընդհանուր պաշարները ոսկու համարժեքով այստեղ կազմում են 0.7 մլն ունցիա, ռեսուրսները՝ 1.9 մլն ունցիա: 2017 թվականին Կապանում 50.000 ունցիա ոսկի է արդյունահանվել:
Polymetal-ը Կապանի հանքը ձեռք է բերել 2016 թվականին, կանադական Dundee Precious Metals Inc.-ից, իսկ արդեն 2018-ի ապրիլին հայտարարել իր մի քանի հանքերի (այդ թվում՝ Կապանի) վաճառքի մասին՝ ակնկալելով 150-200 մլն դոլարի ներգրավում՝ պարտքերի չափը նվազեցնելու համար:
