09.08.2026 | 11:18
Ուկրաինան հարվածներ է հասցրել Բելգորոդին․ տուժել է 13 մարդ
Վրաստանում նախագահական ընտրությունների երկրորդ փուլ տեղի կունենա
Քաղաքականություն
29.10.2018 | 11:04
Վրաստանում նախագահական ընտրությունների երկրորդ փուլ տեղի կունենա: Երկրի Կենտրոնական ընտրական հանձնաժողովի (ԿԸՀ) հրապարակած տվյալների համաձայն՝ թեկնածուներից ոչ ոքի չի հաջողվել հաղթանակի համար անհրաժեշտ 50% ձայն հավաքել: Այս մասին տեղեկանում ենք «Վեդոմոստի»-ից:
ԿԸՀ-ն արդեն մշակել է քվեաթերթիկների 99.57%-ը: Արդյունքների համաձայն՝ երկրորդ փուլ կանցնեն անկախ թեկնածու Սալոմե Զուրաբիշվիլին, որը 38.66% ձայն է ստացել, ընդդիմադիր «Միացյալ ազգային շարժում» կուսակցության թեկնածու Գրիգոր Վաշաձեն (38.66% ձայն), իսկ երրորդ տեղում «Եվրոպական Վրաստան» կուսակցության թեկնածու Դավիթ Բաքրաձեն է (10.97% ձայն):
Առաջին փուլին 25 թեկնածու է մասնակցել: ԿԸՀ-ի տվյալներով՝ քվեարկությանն ընտրողների մասնակցությունը կազմել է 46.7%:
Երկրորդ փուլով քվեարկությունը տեղի կունենա դեկտեմբերի 1-ից ոչ ուշ:
Նշենք, որ սրանք վերջին նախագահական ընտրություններն են Վրաստանում, որոնք անցկացվում են ուղղակի քվեարկության միջոցով: 2023 թվականից պետության ղեկավարին կընտրի ընտրական կոլեգիան, որում կներառվեն խորհրդարանի 150 պատգամավորներ և շրջանների ու քաղաքապետարանների ներկայացուցիչներ:
