01.07.2026 | 12:10
ՍԴ-ն շարունակում է քննել քաղաքական ուժերի դիմումները // 9 վիրավոր Արարատում խոշոր վթարի հետևանքով․ ԼՈՒՐԵՐ
Վայոց ձորի Կարմրաշենի դպրոցը փակվում է, 2 աշակերտները կհաճախեն 7 կմ հեռավորության վրա գտնվող հարևան գյուղի դպրոց
Հասարակություն
23.10.2025 | 10:31
Վայոց Ձորում դպրոց է փակվում։ Factor.am-ը կառավարության որոշման նախագծից տեղեկանում է, որ գործադիրը մարզի Կարմրաշենի միջնակարգ դպրոցը փակում է, այն միացվում է Վայոց ձորի մարզի Հերհերի միջնակարգ դպրոցին։
Ըստ հիմնավորման՝ պատճառը աշակերտների թիվն է։ ԿԳՄՍ նախարարությունից հայտնում են, որ դպրոցը նախատեսված է 190 աշակերտի համար, այժմ դպրոցում սովորում է 2 աշակերտ: Դպրոցի աշխատողների ընդհանուր թիվը 18-ն է:
«Բացի այդ, քիմիա, կենսաբանություն, աշխարհագրություն, անգլերեն լեզու, պատմություն, ռազմագիտություն առարկաների դասավանդումն «ՀՀ Վայոց ձորի մարզի Կարմրաշենի միջնակարգ դպրոց» պետական ոչ առևտրային կազմակերպությունում իրականացվում է այլ բնակավայրերից ուսուցիչների ներգրավմամբ, որի համար 2024 թվականի տարեկան տրնսպորտային ծախսը կազմել է 367.600 ՀՀ դրամ, իսկ 2023 թվականին այն կազմել է 369.600 ՀՀ դրամ»,-ասված է նախարարության հիմնավորման մեջ։
Նախագծում նշված է, որ Կարմրաշենի դպրոցի աշակերտները կհաճախեն Հերհերի դպրոց, որը, ըստ փաստաթղթի, Կարմրաշենից հեռու է 7 կմ։
Նարեկ Կիրակոսյան
