16.02.2026 | 09:30
Երևանի քաղաքապետարանի գործակարգավարական խորհրդակցությունը` ՈՒՂԻՂ
Շվեդիան և Ուկրաինան Կիևին մինչև 150 Gripen կործանիչ մատակարարելու մտադրության նամակ են ստորագրել
Քաղաքականություն
22.10.2025 | 21:43
Շվեդիան և Ուկրաինան ստորագրել են մտադրության նամակ՝ Կիևին մինչև 150 Gripen կործանիչ մատակարարելու վերաբերյալ։ Ուկրաինայի նախագահ Վլադիմիր Զելենսկին և Շվեդիայի վարչապետ Ուլֆ Քրիստերսոնը փաստաթուղթը ստորագրել են Լինչեպինգում, որտեղ գտնվում է Saab ավիաշինական գործարանը, գրում է BBC-ի ռուսական ծառայությունը։
Մտադրությունների մասին նամակը պարտավորեցնող համաձայնագիր չէ, ինչպես պարզ է դարձել երկու առաջնորդների հայտարարություններից։
«Մենք լիովին գիտակցում ենք, որ առջևում երկար ճանապարհ ունենք անցնելու։ Սակայն այսօրվանից մենք հանձնառու ենք ուսումնասիրել բոլոր տարբերակները՝ ապագայում Ուկրաինային մեծ քանակությամբ Gripen-ներ տրամադրելու համար»,- ասել է Քրիստերսոնը։
Զելենսկին, իր հերթին, նաև նշել է, որ ստորագրված փաստաթուղթը նախապատրաստական քայլ է դեպի լիարժեք պատվեր։
«Մենք սկսել ենք աշխատանքները Ուկրաինայի համար Gripen կործանիչներ ձեռք բերելու ուղղությամբ և ակնկալում ենք, որ ապագա պայմանագիրը թույլ կտա մեզ գնել առնվազն 100նման կործանիչ»,- ասել է Ուկրաինայի նախագահը։
Շվեդիան 2013 թվականին պատվիրել է 60 նորագույն սերնդի Gripen E կործանիչ, և միայն երեկ է ստացել դրանցից առաջինը։ Saab-ը մեծ պատվերներ ունի Բրազիլիայի և Թաիլանդի նման երկրներից, սակայն յուրաքանչյուր պայմանագիր վերաբերում է զգալիորեն ավելի փոքր թվով ինքնաթիռների։
Թարգմանությունը՝ Էմմա Չոբանյանի
