Ազգային ժողովի այգում, 1999թ. հոկտեմբերի 27-ի զոհերի հիշատակին նվիրված հուշակոթողի մոտ, այսօր տեղի ունեցավ հիշատակի արարողություն:
ՀՀ վարչապետի ժամանակավոր պաշտոնակատար Նիկոլ Փաշինյանը, ԱԺ պատգամավորները ծաղիկներ խոնարհեցին 19 տարի առաջ ոճրագործության հետևանքով զոհված գործիչների հիշատակին:
Հիշեցնենք, որ Ազգային ժողովի նիստերի դահլիճում ոճրագործության զոհ դարձան ՀՀ ԱԺ նախագահ Կարեն Դեմիրճյանը, վարչապետ Վազգեն Սարգսյանը, ԱԺ փոխնախագահներ՝ Յուրի Բախշյանն ու Ռուբեն Միրոյանը, նախարար Լեոնարդ Պետրոսյանը, պատգամավորներ՝ Արմենակ Արմենակյանը, Միքայել Քոթանյանը, Հենրիկ Աբրահամյանը:
