16.02.2026 | 17:26
ԱԺ ընտրություններին ընտրական իրավունք ունի 2 միլիոն 489 հազար 31 քաղաքացի․ Միգրացիայի և քաղաքացիության ծառայություն
Ռուսական զորքերը հարվածել են Խարկովի մանկապարտեզին․ ՏԵՍԱՆՅՈՒԹ
Քաղաքականություն
22.10.2025 | 15:29
Ռուսական ուժերը հարվածել են Խարկովին, որի հետևանքով զոհվել է մեկ մարդ, վեցը՝ վիրավորվել։ Այս մասին հայտարարել է Խարկովի քաղաքապետ Իգոր Տերեխովը, գրում է Current time-ը։
Նա ասել է, որ Խոլոդնոգորսկի շրջանում երկու հարված է հասցվել։ Անօդաչու թռչող սարքերից մեկը հարվածել է մանկապարտեզին, ինչի հետևանքով հրդեհ է բռնկվել։ Երեխաները տարհանվել են ապաստարաններ, սակայն շատերն ունեն ծանր սթրեսային ռեակցիա։
Մարզային ռազմական վարչակազմի ղեկավար Օլեգ Սինեգուբովը նշել է, որ մահացածը 40-ամյա տղամարդ է։ Վեց վիրավորներից երկուսը ծանր վիճակում են։
«Մանկապարտեզի վրա անօդաչու թռչող սարքի հարվածի համար արդարացում չկա և չի կարող լինել։ Ակնհայտ է, որ Ռուսաստանը լկտիանում է։ Այս հարվածները ապտակ են նրանց, որոնք պնդում են խաղաղ լուծման վրա։ Ավազակներին և ահաբեկիչներին կարելի է տեղը դնել միայն ուժով»,- սոցցանցերում գրել է Ուկրաինայի նախագահ Վլադիմիր Զելենսկին։
Թարգմանությունը՝ Էմմա Չոբանյանի
