08.08.2026 | 14:24
Ինչ արդյունքներ ունեն հայ շախմատիստները Եվրոպայի Մ20 առաջնությունում երկու խաղափուլից հետո
Լիբանանում փոթորիկն ու կարկուտը մեծ վնասներ են հասցրել. զոհերի թվում հայ կա. ԼՈՒՍԱՆԿԱՐՆԵՐ
Քաղաքականություն
26.10.2018 | 14:39
Լիբանանում նախօրեի փոթորկի, հորդառատ անձրևների ու խոշոր կարկուտի հետևանքով մեծ վնասներ են գրանցվել: Այս մասին տեղեկանում ենք Լիբանանի հայկական «Ազդակ» պարբերականից:
Եղանակային վատ պայմանների արդյունքում ծառեր են տապալվել, կառույցներ փլուզվել, տանիքներ պոկվել, միջպետական և քաղաքային ավտոճանապարհներին երթևեկությունը կաթվածահար է եղել: Փոթորկի հետևանքով զոհեր կան, այդ թվում՝ ազգությամբ հայ:
Բուրջ Համուդում դժբախտ պատահարի զոհ է դարձել 1991թ. ծնված Հարութ Հուսիկյանը. նա ընկել է 9-րդ հարկի պատշգամբից: Օդերևութաբանները փոթորիկ և հորդառատ անձրևներ են կանխատեսում նաև այսօր: Երկրի բարձրադիր գոտիներում նաև ձյանտեղումներ են սպասվում:
