01.11.2026 | 11:33
Ուկրաինայում պատերազմը տեղափոխվել է նաև ստորգետնյա գազատարներ․ զինվորականները մարտեր են վարում խողովակաշարերում․ ԼՈՒՍԱՆԿԱՐՆԵՐ
Իսրայելը պնդում է, թե ՀԱՄԱՍ-ի կողմից վերադարձված մի մարմին «պատանդներից ոչ մեկինը չէ»
Քաղաքականություն
15.10.2025 | 15:43
Իսրայելի բանակը հայտարարել է, որ պաղեստինցի բանտարկյալների հետ փոխանակման շրջանակում ՀԱՄԱՍ-ի կողմից հանձնված մարմիններից մեկը նախկին որևէ պատանդինը չէ։
Երեքշաբթի վերադարձված չորս մարմինների գիշերային դատաբժշկական փորձաքննություններից հետո բանակը հայտարարել է, որ բժշկական պաշտոնյաները եզրակացրել են՝ մի մարմին «չի համապատասխանում պատանդներից որևէ մեկին»։
«ՀԱՄԱՍ-ը պարտավոր է ձեռնարկել բոլոր անհրաժեշտ ջանքերը՝ մահացած պատանդներին վերադարձնելու համար»,- զգուշացրել են իսրայելցի զինվորականները։
Ավելի վաղ վերադարձված իսրայելցի չորս պատանդներից երեքի դիերը նույնականացվել են։
Գազայի նախկին պատանդներ Ուրիել Բարուչի, Էյթան Լևիի և Թամիր Նիմրոդիի ընտանիքները հայտարարություններ են տարածել սոցիալական ցանցերում այն բանից հետո, երբ Իսրայելի դատաբժշկական հետազոտությունների լաբորատորիան հաստատել է նրանց ինքնությունը։
Թարգմանությունը՝ Էմմա Չոբանյանի
