03.11.2026 | 10:32
Ուիթքոֆը հայտնել է՝ ՌԴ-ի, Ուկրաինայի և ԱՄՆ-ի եռակողմ բանակցությունները տեղի կունենան նոյեմբերի 10-11-ը՝ Աբու Դաբիում
Լուրջ չի՛ ՀՀ իշխանությունը վախենա օտարերկրյա օլիգարխից․ 8 անգամ ներողություն կհայցեմ, եթե Կարապետյանը ցույց տա Գեղարքունիքում 1 բարերարություն․ Նարեկ Գրիգորյան․ ՏԵՍԱՆՅՈՒԹ
Քաղաքականություն
14.10.2025 | 19:00
Ինչո՞ւ է ՔՊ-ն Սամվել Կարապետյանի քաղաքական ուժը կապում նախկինների հետ․ գործարարի եղբորորդին՝ Նարեկ Կարապետյանն, օրերս բացառել էր անձամբ երկրորդ նախագահ Ռոբերտ Քոչարյանի և երրորդ նախագահ Սերժ Սարգսյանի հետ կոնսոլիդացիան, բայց չէր բացառել նրանց թիմերից որոշ անձանց հետ համագործակցությունը։
Factor TV-ի տաղավարում ՀՀ ԱԺ ՔՊ խմբակցության պատգամավոր Նարեկ Գրիգորյանից հետաքրքրվեցինք, թե ինչ փաստերի վրա են հիմնվում՝ ընդդիմադիր բոլոր ուժերին նույն ճամբարում դնելով։ ՔՊ-ական պատգամավորը արձագանքեց․
«Ստո՛ւմ են, ո՞նց Նարեկ Կարապետյանը հների հետ կապված չէ, երբ իր հայրը Սերժ Սարգսյանի աշխատակազմի ղեկավարն էր, ՀՀԿ-ի պատգամավոր։ Ընդդիմությունը ՀՀ-ն ծայրագավառ է ուզում դարձնել, ասում են՝ եթե ՌԴ-ն չլինի՝ կկործանվենք, ՀՀ շահերն են գերակա։ Սամվել Կարապետյանը եկել է դրսից՝ մի օլիգարխ, ասում է՝ պետություն եմ ուզում կառավարել․ մի ՀԷՑ չէիք կառավարում։ Ցո՛ւյց ենք տալու ձեր տեղը՝ ով կփորձի տղայական ձևով հայ ժողովրդին բան ասել, չենք թողնի դրսից գան, թելադրեն այստեղ»,- ասաց Նարեկ Գրիգորյանը։ Նա համոզված է, որ ընդդիմադիր ուժերը չեն կարողանալու միասին ավելի շատ ձայն հավաքել, քան ՔՊ-ն, որն ըստ իշխանական պատգամավորի՝ հաղթելու է ընտրություններում։
Նարեկ Գրիգորյանը խոսել է նաև ընդդիմադիր ուժերին քաղաքական հետապնդման ենթարկելու մասին պնդումների, դատական մարմիններին հրահանգներ տալու մասով իշխանությանն ուղղված մեղադրանքների, ՌԴ-ի կողմից ՀՀ ներքաղաքական կյանքին միջամտելու, ներքաղաքական այլ հարցերի մասին։
Հարցազրույցն ամբողջությամբ՝ տեսանյութում։
Ռոբերտ Անանյան
