16.07.2026 | 12:26
Ժաննա Անդրեասյանը ծանոթացել է Ծիծեռնակաբերդի բարեկարգման երկրորդ փուլի աշխատանքներին
Ռուսական հարվածների հետևանքով Խարկովում 60-ից ավելի մարդ է վիրավորվել
Քաղաքականություն
14.10.2025 | 12:43
Ռուսական զորքերը հոկտեմբերի լույս 14-ի գիշերը Ուկրաինայի վրա 96 անօդաչու թռչող սարք են արձակել։ Ուկրաինայի ռազմաօդային ուժերի հրամանատարության տվյալներով՝ ժամը 8:30-ի դրությամբ՝ դրանցից 69-ը խոցվել է, գրում է Current time-ը։
Ուկրաինայի պետական արտակարգ իրավիճակների ծառայության տեղեկացմամբ՝ Կիրովոգրադի մարզի Դոլինսկա և Նովոպրաժսկա համայնքներում վնասվել են կարևորագույն ենթակառուցվածքները։ Հրդեհներ են բռնկվել մի քանի վայրերում, սակայն ոչ ոք չի տուժել։ Հինգ բնակավայր մնացել է առանց էլեկտրաէներգիայի։
Սումիում ռուսական հարվածից հետո ոչ բնակելի շենքում հրդեհ է բռնկվել, որն արդեն մարվել է։
Խարկովում վնասվել են եռահարկ հիվանդանոց, ձեռնարկության շենք և մեքենաներ։
«Թշնամական հարվածի պահին հիվանդանոցում գտնվող բոլոր հիվանդները տեղափոխվել են մեկ այլ բժշկական հաստատություն»,- հայտնել է Արտակարգ իրավիճակների պետական ծառայությունը։
Տարածաշրջանային ռազմական վարչակազմի ղեկավար Օլեգ Սինեգուբովը հայտնել է, որ վերջին 24 ժամվա ընթացքում Խարկովի և Խարկովի մարզի վրա ռուսական հարձակումների հետևանքով վիրավորվել է 62 մարդ։ Բացի այդ, հիվանդանոցի 50 հիվանդներ «սուր սթրեսային ռեակցիա» են ունեցել բժշկական հաստատության վրա ավիառումբի հարվածից հետո։
Փրկարարների տվյալներով՝ Խարկովի Սալտովսկի շրջանի հիվանդանոցի տարածքում գտնվող միահարկ ավտոտնակ-շենքը մասամբ ավերվել է, վնասվել է հիվանդանոցի շենքը և օժանդակ շինությունը։
Թարգմանությունը՝ Էմմա Չոբանյանի
