30.07.2026 | 10:25
178 մլն դրամով «Վարչաֆեստ» է կազմակերպվելու
Թրամփը շնորհակալություն է հայտնել Պուտինին իր խաղաղարար ջանքերը գովաբանելու համար
Քաղաքականություն
10.10.2025 | 23:05
ԱՄՆ նախագահ Դոնալդ Թրամփը շնորհակալություն է հայտնել ՌԴ նախագահ Վլադիմիր Պուտինին՝ իր խաղաղարար ջանքերը գովաբանելու համար, փոխանցում է BBC-ի ռուսական ծառայությունը։
«Շնորհակալությո՛ւն, նախագահ Պուտին»,- գրել է Դոնալդ Թրամփը Truth Social-ում։
Նա այս գրառմանը կցել է Վլադիմիր Պուտինի՝ Դուշանբեում կայացած մամուլի ասուլիսի տեսանյութը։ ադրերում նաև Պուտինի խոսքերն են (անգլերեն) Թրամփի մասին։
«Նա շատ բան է անում տասնամյակներ տևող բարդ ճգնաժամերը լուծելու համար»,- այսպես է Ռուսաստանի նախագահը պատասխանել Խաղաղության Նոբելյան մրցանակը Թրամփին չշնորհելու հարցին։
Նա չի ասել՝ արդյո՞ք ԱՄՆ նախագահն արժանի է մրցանակին, բայց նշել է, որ Նոբելյան կոմիտեն, որը նախկինում մրցանակներ էր շնորհում «ոչինչ չարած» մարդկանց, կորցրել է իր հեղինակությունը։
Թրամփը բազմիցս հասկացրել է, որ ցանկանում է ստանալ այս հեղինակավոր մրցանակը։
Պուտինին երախտագիտությունը Թրամփի միակ արձագանքն է Նոբելյան կոմիտեի որոշմանը։
Նոբելյան կոմիտի որոշմամբ՝ 2025 թվականի Խաղաղության Նոբելյան մրցանակը շնորհվել է Մարիա Կորինա Մաչադոյին՝ Վենեսուելայի ժողովրդի ժողովրդավարական իրավունքները պաշտպանելու անխոնջ աշխատանքի և բռնապետությունից ժողովրդավարության արդար և խաղաղ անցման հասնելու նրա պայքարի համար։
Ավելի վաղ էլ Սպիտակ տունն էր քննադատել է Թրամփին Խաղաղության Նոբելյան մրցանակը չշնորհելու որոշումը։
Թարգմանությունը՝ Էմմա Չոբանյանի
