19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Քաղաքականությունը խաղաղությունից վեր են դասում․ Սպիտակ տունը քննադատել է Թրամփին խաղաղության Նոբելյան մրցանակը չշնորհելու որոշումը
Քաղաքականություն
10.10.2025 | 18:16
Սպիտակ տունը քննադատել է Նոբելյան մրցանակի կոմիտեի որոշումը՝ խաղաղության մրցանակը շնորհել Վենեսուելայի ընդդիմության առաջնորդին՝ ԱՄՆ նախագահ Դոնալդ Թրամփի փոխարեն, գրում է Reuters-ը։
«Նախագահ Թրամփը կշարունակի խաղաղության գործարքներ կնքել, պատերազմներ ավարտել և կյանքեր փրկել։ Նա մարդասեր սիրտ ունի, և երբեք չի լինի նրա նման մեկը, ով կարող է լեռներ շարժել իր կամքի մաքուր ուժով։ Նոբելյան կոմիտեն ապացուցեց, որ քաղաքականությունը գերադասում է խաղաղությունից»,- X-ում գրել է Սպիտակ տան խոսնակ Սթիվեն Չունգը:
Թրամփը դեռևս չի մեկնաբանել Նոբելյան կոմիտեի որոշումը, բայց ուրբաթ առավոտյան իր Truth Social էջում հրապարակել է երեք տեսանյութ, որտեղ նրա կողմնակիցները տոնում են Գազայի համաձայնագիրը։
Հիշեցնենք, որ Նոբելյան կոմիտի որոշմամբ՝ 2025 թվականի Խաղաղության Նոբելյան մրցանակը շնորհվել է Մարիա Կորինա Մաչադոյին՝ Վենեսուելայի ժողովրդի ժողովրդավարական իրավունքները պաշտպանելու անխոնջ աշխատանքի և բռնապետությունից ժողովրդավարության արդար և խաղաղ անցման հասնելու նրա պայքարի համար։
Թարգմանությունը՝ Էմմա Չոբանյանի
