19.02.2026 | 15:02
Բագրատ արքեպիսկոպոս Գալստանյանի և մյուսների գործով դատական նիստը. ՈՒՂԻՂ
Սննդի կետն արդեն երեք օր է՝ աշխատում է, թեև կա կասեցման որոշում
Հասարակություն
10.10.2025 | 11:55
Սարյան փողոցում գտնվող «Զավիկի ղարս» սննդի կետը՝ չնայած կասեցման որոշմանը, արդեն երրորդ օրն է՝ շարունակում է աշխատել։ Factor.am-ի հետ զրույցում աշխատակիցներն ասացին, որ օբյեկտը փակելու ու կասեցման որոշման մասին իրենց ոչինչ չեն ասել, շարունակում են աշխատել ինչպես միշտ։
Տեսչական մարմինը հոկտեմբերի 8-ին հայտարարություն տարածեց, որ Սարյան փողոցում գործող «Զավիկի ղարս» սննդի կետի բրդուճներում և մայոնեզում մանրէաբանական շեղումներ են հայտնաբերել։ Հաղորդագրության մեջ նշվում էր, որ կետի գործունեությունը կասեցվել է։
ՀՀ սննդամթերքի անվտանգության տեսչական մարմնից Factor.am-ին հայտնեցին, որ հանրային սննդի օբյեկտից թեժ գիծ են զանգահարել և ասել, որ չեն աշխատում, սակայն այսօր կրկին շարունակում են աշխատել։
Տեսչական մարմնից հայտնում են «Զավիկի ղարս» սննդի կետի տնօրենը չի ստորագրում իր օբյեկտի գործունեությունը կասեցնող որոշումը։ Ըստ կառույցը՝ նա հրաժարվել է առձեռն ստանալ որոշումը և ծանուցում պահանջել, սակայն դեռ չի ստորագրել կասեցման որոշումը։
Սննդի օբյեկտը հայտարարություն էր տարածել, թե տեսչական մարմնի կողմից սննդի օբյեկտի աշխատանքը կասեցնելու մասին լուրերը կեղծ են, և իրենց բոլոր մասնաճյուղերը գործում են։ Մեզ չի հաջողվել կապ հաստատել տնտեսվարողի հետ։
Տեսչկան մարմնից ասում են՝ առաջին անգամ է տնտեսվարողը նման պահվածք դրսևորում։ ՍԱՏՄ-ն օրենքում փոփոխություն է առաջարկում, որպեսզի տեսչական մարմնի պաշտոնական էջի հրապարակումը համարվի պաշտոնական ծանուցում, և այդ պահից իսկ կասեցվի արտադրական օբյեկտի գործունեությունը։ Երբ կարող է օրենքի ուժ ստանալ այդ նախաձեռնությունը, հայտնի չէ։
Անի Թամրազյան
