Մակրոնը Ֆրանսիայի նոր վարչապետ կնշանակի 48 ժամվա ընթացքում

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Ֆրանսիայի նախագահ Էմանուել Մակրոնը նոր վարչապետ կնշանակի 48 ժամվա ընթացքում։ Այս մասին հայտարարել է Ելիսեյան պալատը՝ հերքելով նոր խորհրդարանական ընտրությունների անխուսափելիության մասին ենթադրությունները, գրում է BBC-ն։

Չորեքշաբթի հեռացող վարչապետ Սեբաստիան Լըկորնյուն հայտարարել էր, որ խորհրդարանը լուծարելու հնարավորությունը սկսում է մարել վերջին երկու օրերի ընթացքում քաղաքական կուսակցությունների հետ բանակցություններից հետո։

«Խորհրդարանում կա մեծամասնություն, և դա այն մեծամասնությունն է, որը ձգտում է խուսափել նոր ընտրություններից», – ասել է նա։

Երկուշաբթի Լըկորնյուն՝ Մակրոնի մտերիմ դաշնակիցը, դարձել էր Ֆրանսիայի երրորդ վարչապետը, որը մեկ տարուց էլ պակաս ժամանակահատվածում լքել էր պաշտոնը՝ գաղափարախոսական գծերով խորապես բաժանված խորհրդարանի պատճառով։ Այնուհետև Մակրոնը նրան խնդրել էր մնալ երկու օր՝ կուսակցությունների միջև կոնսենսուս ձևավորելու համար, թե ինչպես դուրս գալ ներկայիս քաղաքական ճգնաժամից։

Չորեքշաբթի երեկոյան երկար սպասված հեռուստատեսային հարցազրույցում Լըկորնյուն որևէ ակնարկ չի արել այն մասին, թե ով կլինի հաջորդ վարչապետը։ Եվ չնայած նա ասել է, թե իր առաքելությունն «ավարտված է», նա նաև ամբողջությամբ չի բացառել այդ պաշտոնին իր վերադարձը։

Ֆրանսիայի քաղաքական փակուղին սկսվել է  2024 թվականի հուլիսին տեղի ունեցած արտահերթ ընտրություններից հետո։ Այդ ժամանակից ի վեր ոչ մի կուսակցություն մեծամասնություն չի ունեցել, ինչը դժվարացնում է որևէ օրենքի կամ բարեփոխման ընդունումը, այդ թվում՝ տարեկան բյուջեի։

Լըկորնյուի և նրա երկու նախորդների առջև ծառացած մեծ մարտահրավերը Ֆրանսիայի կաթվածահար պետական ​​պարտքի հետ գործ ունենալն էր, որն այս տարի կազմել է 3,4 տրիլիոն եվրո կամ տնտեսական արդյունքի (ՀՆԱ) գրեթե 114%-ը, որը եվրոգոտում երրորդ ամենաբարձր ցուցանիշն է Հունաստանից և Իտալիայից հետո։

Նախկին վարչապետներ Միշել Բարնիեն և Ֆրանսուա Բայրուն հեռացվել էին վստահության քվեների արդյունքում՝ խնայողության բյուջեներ ներկայացնելուց հետո։

Լըկորնյուն ասել է, որ իր սեփական բյուջեի նախագիծը կներկայացվի հաջորդ շաբաթ, չնայած այն «բաց կլինի քննարկման համար»։

Խորհրդարանի որոշ խմբակցություններ, կարծես, անսասան են իրենց դիրքորոշումներից։ Արմատական ​​ձախ «Անսասան Ֆրանսիա» (LFI) կուսակցության անդամ Մաթիլդ Պանոն Լըկորնյուի հեռուստատեսային հարցազրույցից անմիջապես հետո ասել է, որ միակ լուծումը «Էմանուել Մակրոնի հրաժարականն ու հեռանալն» է։ Միևնույն ժամանակ, ծայրահեղ աջ «Ազգային միավորման» առաջնորդ Մարին Լը Պենը, որը վաղուց կոչ է անում նոր ընտրություններ անցկացնել, չորեքշաբթի հայտարարել է, որ կքվեարկի ցանկացած նոր կառավարության դեմ։ Այս փուլում պարզ չէ, թե որ քաղաքական ուժերը կաջակցեն նոր կառավարությանը։

Մակրոնի հրաժարականի կոչերի վերաբերյալ որոշ քաղաքական խմբակցությունների կողմից հնչող կոչերի մասին հարցին, որոնց մասին այս շաբաթվա սկզբին խոսել էր նույնիսկ Մակրոնի նախկին վարչապետ Էդուարդ Ֆիլիպը, Լըկորնյուն ասել է, որ Ֆրանսիային անհրաժեշտ է կայուն, միջազգային ճանաչում ունեցող անձ իր ղեկավարի պաշտոնում։

«Նախագահին փոխելու ժամանակը չէ»,- ասել է նա։

Մակրոնը դեռևս հրապարակայնորեն չի խոսել Լըկորնյուի երկուշաբթի առավոտյան անսպասելի հրաժարականից հետո։ Լըկորնյուն խոստացել է, որ նախագահը «կդիմի ֆրանսիացի ժողովրդին համապատասխան ժամանակ»՝ առանց նշելու, թե երբ դա կարող է լինել։

Թարգմանությունը՝ Էմմա Չոբանյանի