Մակրոնի հրաժարականի կոչերի ֆոնին՝ Ֆրանսիայի հեռացող վարչապետը տարեվերջին բյուջե ընդունելու կոնսենսուսի հույս է հայտնել

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Ֆրանսիայի հեռացող վարչապետ Սեբաստիան Լըկորնյուն ջանքեր է գործադրում՝ փորձելով ամրապնդել իր փլուզված կառավարությանը միջկուսակցական աջակցությունը։ Այդ ջանքերի շրջանակում Լըկորնյուն բանակցություններ է վարել սոցիալիստական, կանաչների և կոմունիստական ​​կուսակցությունների խորհրդարանական գործիչների հետ՝ անսպասելիորեն հրաժարական տալուց ընդամենը մի քանի օր անց, գրում է France 24-ը։

Լըկորնյուն տարբեր քաղաքական կուսակցությունների հետ բանակցությունների փուլերից հետո ասել է, որ խորհրդարանի լուծարման հնարավորությունը թվում է անհավանական։ Ըստ նրա՝ բանակցությունները ցույց են տվել, որ կա ընդհանուր պատրաստակամություն՝ տարեվերջին բյուջեն ընդունելու համար։

«Այս պատրաստակամությունն ակնհայտորեն ստեղծում է թափ և միաձուլում, ինչը լուծարման հնարավորությունները դարձնում է ավելի անհավանական»,- ասել է Լըկորնյուն Փարիզի Մատինյոն պալատի բակում ունեցած ելույթում՝ հավելելով, որ չորեքշաբթի երեկոյան կհանդիպի նախագահ Էմանուել Մակրոնի հետ՝ քաղաքական կուսակցությունների հետ իր բանակցությունների արդյունքները քննարկելու համար։

Ֆրանսիայի հեռացող վարչապետը հայտարարել է, որ քաղաքական ճգնաժամը հաղթահարելու համար անցկացված խորհրդակցությունները ցույց են տվել կուսակցությունների պատրաստակամությունը՝ տարեվերջին համաձայնության գալու բյուջեի շուրջ։ Լըկորնյուն, որի հրաժարականը երկուշաբթի հանգեցրել էր Փարիզի ֆոնդային շուկայի անկմանը, մինչ այժմ հայտնել է կոնսենսուսի մասին «Ֆրանսիայի համար մինչև դեկտեմբերի 31-ը բյուջե ունենալու ցանկության» վերաբերյալ։

Միաժամանակ, Ֆրանսիայի նախագահ Էմանուել Մակրոնը դաշնակիցների ճնշման տակ է՝ քաղաքական փակուղու արագ լուծում գտնելու համար։ 2017 թվականից ի վեր նախագահ Մակրոնը պայքարում է իր նախագահության ամենածանր ներքաղաքական ճգնաժամի դեմ։

Մակրոնի առաջին վարչապետը և նախկին դաշնակիցը երեքշաբթի Ֆրանսիայի ղեկավարին կոչ էր արել հրաժարական տալ, որն ավելի է սրել քաղաքական ճգնաժամը։ Էդուարդ Ֆիլիպը Մակրոնի իշխանության՝ 2017-2020 թվականների ամենաերկար ծառայած վարչապետն է, որն այժմ ղեկավարում է դաշնակից քաղաքական կուսակցություն։

Ֆիլիպը, որն արդեն հայտարարել է նախագահական ընտրություններում առաջադրվելու մտադրության մասին, ասել է, որ ընտրությունները պետք է անցկացվեն բյուջեի ընդունումից անմիջապես հետո: Դատապարտելով «հիասթափեցնող քաղաքական խաղը»՝ նա նշել է, որ Մակրոնը պետք է օգնի Ֆրանսիային «կանոնավոր և արժանապատիվ կերպով դուրս գալ երկրին վնասող քաղաքական ճգնաժամից»։

«Նա պետք է որոշում կայացնի, որն արժանի է իր դերին, այն է՝ երաշխավորել իշխանության ինստիտուտների շարունակականությունը՝ կազմակերպված կերպով հեռանալով»,- ասել է Ֆիլիպը։

Այլ տարբերակների թվում նշվում է, որ Մակրոնը կարող է վերանշանակել Լըկորնյուին, ընտրել այնպիսի անձի, որը կլինի իր մանդատի ութերորդ վարչապետը կամ անցկացնել նոր օրենսդիր ընտրություններ։ Ֆրանսիայի նախագահը երեքշաբթի բանակցություններ է վարել խորհրդարանի երկու պալատների խոսնակների հետ։

Ըստ շրջանառվող տեղեկությունների՝ Մակրոնը երեկոյան հանդես է գալու հայտարարությամբ։

Թարգմանությունը՝ Էմմա Չոբանյանի