01.11.2026 | 19:20
Արագածոտնի թեմը դատապարտել է Գառնահովիտի Սուրբ Գևորգ եկեղեցում կարգալույծ նախկին հոգևորականի մատուցած պատարագը
Ֆրանսիայի նորանշանակ վարչապետ Սեբաստիան Լըկորնյուն հրաժարական է տվել կառավարության կազմի հրապարակումից մի քանի ժամ անց
Քաղաքականություն
06.10.2025 | 12:17
Ֆրանսիայի նորանշանակ վարչապետ Սեբաստիան Լըկորնյուն հրաժարական է տվել կառավարության կազմի հրապարակումից մի քանի ժամ անց, գրում է France 24-ը։
Երկրի նախագահ Էմանուել Մակրոնը ընդունել է Լըկորնյուի հրաժարականը, ինչն ավելի է խորացնում եվրոպական երկրի քաղաքական փակուղին։
Մակրոնը Լըկորնյուին վարչապետի պաշտոնում նշանակել էր անցյալ ամիս, սակայն կիրակի ուշ երեկոյան նրա կողմից հրապարակված կաբինետի կազմը, որը մեծ մասամբ անփոփոխ էր, խիստ քննադատության է արժանացել քաղաքական սպեկտրի կողմից։
Հիշեցնենք, որ նախօրեին ներկայացվել էր կառավարության նոր կազմը վարչապետ Սեբաստիան Լըկորնյուի նշանակումից գրեթե մեկ ամիս անց։
Թարգմանությունը՝ Էմմա Չոբանյանի
