02.11.2026 | 15:05
Երկրից ավելի շատ գումար գնում, քան գալիս է, ի՞նչ միջոցներից է փակվում այդ ճեղքվածքը․ Կարապետյան․ ՏԵՍԱՆՅՈՒԹ
Զագրեբն աջակցում է ՀՀ-ի և Ադրբեջանի միջև կարգավորման գործընթացում ձեռք բերված առաջընթացին․ Խորվաթիայի խորհրդարանի խոսնակ
Քաղաքականություն
08.10.2025 | 15:52
Խորվաթիան բարձր է գնահատում Ադրբեջանի և Հայաստանի միջև հարաբերությունների կարգավորման գործում ձեռք բերված առաջընթացը։ Ադրբեջանական լրատվամիջոցների հաղորդմամբ՝ այս մասին Բաքվում կայացած ճեպազրույցի ժամանակ հայտարարել է Խորվաթիայի խորհրդարանի նախագահ Գորդան Յանդրոկովիչը։
Նա նշել է, որ Ադրբեջանի խորհրդարանի խոսնակ Սահիբա Գաֆարովայի հետ հանդիպման ժամանակ կողմերը քննարկել են Զագրեբի և Բաքվի միջև երկկողմ համագործակցության լայն շրջանակի հարցեր, ինչպես նաև տարածաշրջանային օրակարգը։
«Մենք մտքեր փոխանակեցինք Ադրբեջանի և Հայաստանի միջև խաղաղության բանակցությունների ընթացքի վերաբերյալ։ Խորվաթիան վճռականորեն աջակցում է հարաբերությունների կարգավորման գործընթացում ձեռք բերված առաջընթացին», – ընդգծել է Յանդրոկովիչը։
Նա հայտնել է նաև Ադրբեջանի նախագահ Իլհամ Ալիևի հետ հանդիպման մասին, որի ընթացքում երկու կողմերը քննարկել են Հարավային Կովկասում ստեղծված իրավիճակը և երկու երկրների միջև հետագա քաղաքական ու տնտեսական համագործակցության ներուժը։
Հավելենք, որ այս հանդիպումը Ադրբեջանի և Խորվաթիայի խորհրդարանների խոսնակների առաջին հանդիպումն է 2014 թվականից ի վեր։ Գորդան Յանդրոկովիչի այցը Բաքու համընկնում է երկու երկրների միջև դիվանագիտական հարաբերությունների հաստատման 30-ամյակի հետ։
Թարգմանությունը՝ Էմմա Չոբանյանի
