31.10.2026 | 22:55
Հայտնաբերվել է զինծառայողի դի. ՊՆ
Փարիզում հրաժարական տված Ֆրանսիայի վարչապետի գրասենյակի մոտ պայթյուններ են լսվել. միկրոավտոբուս է հրդեհվել. ՏԵՍԱՆՅՈՒԹ
Քաղաքականություն
07.10.2025 | 16:29
Փարիզում պայթյուններ են լսվել Ֆրանսիայի վարչապետի պաշտոնից հրաժարական ներկայացրած Սեբաստիան Լըկորնյուի գրասենյակի մոտ, ինչից հետո միկրոավտոբուս է հրդեհվել։ Le Parisien-ը հայտնել է, որ ականատեսները լսել են երեք պայթյուն «Մատինյոն» հյուրանոցի մոտ, որտեղ Սեբաստիան Լըկորնյուն պետք է հանդիպումներ ունենար իր հրաժարականից հետո, գրում է The Independent-ը։
Դեպքի վայրից հրապարակված լուսանկարներում երևում է, թե ինչպես է մի միկրոավտոբուս բռնկվում, արտակարգ ծառայությունները փորձում են մարել կրակը։ Տեղական լրատվամիջոցները հայտնել են, որ կրակը մարվել է միկրոավտոբուսում և չի տարածվել շրջակա շենքերի վրա։
Պարզ չէ, թե ինչն է պայթյունների կամ հրդեհի պատճառը։
Լըկորնյուն հրաժարական էր տվել նախարարների կաբինետի նշանակումից ընդամենը մեկ օր անց և պաշտոնում ընդամենը 27 օր աշխատելուց հետո։ Նախկին պաշտպանության նախարարը պետք է երեքշաբթի Ազգային ժողովում ներկայացներ իր ընդհանուր քաղաքականության մասին հայտարարությունը։
Լըկորնյուի հրաժարականը նրա դարձնում է Հինգերորդ Հանրապետությունում ամենակարճատևը։ Նա հինգերորդ վարչապետն է, որը հրաժարական է տվել պաշտոնից վերջին երկու տարվա ընթացքում։
Ֆրանսիայի նախագահ Էմանուել Մակրոնը խնդրել է Լիկորնյուին վերսկսել բանակցությունները ընդդիմադիր կուսակցությունների հետ՝ երկրում տիրող անկայունությունից դուրս գալու ելք գտնելու համար։
Թարգմանությունը` Էմմա Չոբանյանի
