08.03.2026 | 13:48
Օդի ջերմաստիճանը մարտի 9-10-ին կնվազի
Փաշինյանը հրաժարվեց բացահայտել իր հաջողության գաղտնիքը. Բոլթոն. ՏԵՍԱՆՅՈՒԹ
Քաղաքականություն
25.10.2018 | 15:28
Հայ-ամերիկյան հարաբերություններն ԱՄՆ-ի համար առաջնահերթ կարևորության խնդիր են, դրանք ռազմավարական նշանակություն ունեն: Այսօր՝ հոկտեմբերի 25-ին Երևանում լրագրողների հետ հանդիպմանն այս մասին հայտարարեց ԱՄՆ նախագահի՝ ազգային անվտանգության հարցերով խորհրդական Ջոն Բոլթոնը՝ հավելելով, որ այդ մասին խոսել է նաև ՀՀ վարչապետի պաշտոնակատարի հետ հանդիպման ժամանակ:
«Մենք հանդիպմանն անդրադարձ կատարեցինք նաև առաջիկա ընտրություններին, որոնք կայանալու են դեկտեմբերին: Խոսեցինք հանրային կարծիքի հարցումների մասին, որոնք ցույց են տալիս, որ առաջիկա ընտրություններում վարչապետը կստանա ուժեղ մանդատ: Նրան հարցրի՝ ո՞րն է իր հաջողության գաղտնիքը, նա հրաժարվեց բացահայտել»,- կատակեց Բոլթոնը:
Ամերիկացի դիվանագետն արդեն հասցրել է հանդիպել նաև արտաքին գործերի, պաշտպանության նախարարների պաշտոնակատարների, Ազգային անվտանգության խորհրդի քարտուղարի հետ. «Հանդիպումների ընթացքում կարևորեցինք երկու երկրների միջև տնտեսական համագործակցության աշխուժացման, նաև ամերիկյան ուղղակի ներդրումների ավելացման հարցը»:
Մանրամասները՝ տեսանյութում
