Բաքվի դատարանում Դավիթ Մանուկյանը նշել է, որ ԼՂ ղեկավարությունն ու բանակն իրավասու չեն եղել հրամաններ տալ Գյանջային հարվածած հրթիռների կամ դրանց օգտագործման վերաբերյալ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Արցախի ղեկավարների ու պաշտոնյաների նկատմամբ հարուցված շինծու քրեական գործերով հերթական նիստն է տեղի ունեցել Բաքվի զինվորական դատարանում։ Նիստը նախագահել է դատավոր Զեյնալ Աղաևը։ Ադրբեջանական լրատվամիջոցների հաղորդմամբ՝ դատավարությունը շարունակվել է քրեական գործի նյութերի ընթերցմամբ։

Նախ ներկայացվել են 2020 թվականի 44-օրյա պատերազմի ժամանակ Գյանջա քաղաքի վրա հրթիռային հարձակմանը վերաբերող փաստաթղթերը։ Նշվում է, թե 2020 թվականի հոկտեմբերի 11-ին տեղի ունեցածի դեպքի վայրի  փաստաթղթերի և նախնական ստուգման զեկույցի հիման վրա պարզվել է, թե, իբր, «Հայաստանի զինված ուժերը բալիստիկ հրթիռային հարված են հասցրել Գյանջային»։ Հետաքննությունը պարզել է, որ պայթյունը տեղի է ունեցել 9K72 «Էլբրուս» մարտավարական հրթիռի պատճառով, որը արտադրվել է ԽՍՀՄ-ում 1978 թվականից հետո և ՆԱՏՕ-ի կողմից ստացել SS-1c Skud B անվանումը։

Ենթադրվում է, թե հրթիռը Գյանջայի վրա է ուղղվել Հայաստանի Վարդենիս քաղաքից, որի առավելագույն հեռահարությունը 275 կմ է: Նշվում է, թե քանի որ այս տեսակի հրթիռները դասակարգվում են որպես օպերատիվ-մարտավարական զենքի համակարգեր, որոնք նախկին ԽՍՀՄ և ԱՊՀ երկրների զինված ուժերի ռազմավարական զենքեր են, դրանց օգտագործման իրավունքը պատկանում է համապատասխան երկրի պետության ղեկավարին, ինչպես նաև պաշտպանության նախարարին՝ նրա համաձայնությամբ։

Դրանից հետո Արցախի ՊԲ-ի հրամանատարի նախկին տեղակալ Դավիթ Մանուկյանը դիմել է դատարանին՝ նշելով, որ Արցախի ղեկավարությունն ու բանակն իրավասու չեն եղել հրամաններ տալ ցուցադրվող հրթիռային սարքերի կամ դրանց օգտագործման վերաբերյալ։ Դատավոր Աղաևը հայտարարել է, որ ներկայում ընթանում է փաստաթղթերի հնչեցման գործընթացը։ Դա պաշտպանության կողմին հնարավորություն կտա արտահայտել իր դիրքորոշումը հայտարարման ավարտից հետո։

Այնուհետև Արցախի նախկին նախագահ Արայիկ Հարությունյանի փաստաբանը խնդրել է դատական ​​նիստի ընթացքում ուսումնասիրված փաստաթղթերի պատճենները։ Դատավոր Աղաևը  հայտարարել է, թե փաստաթղթերի պատճենները կներկայացվեն։

Հրապարակվել են նաև 44-օրյա պատերազմի ժամանակ, իբր, Գյոյգյոլի, Թովուզի, Դաշքեսանի, Սամուխի, Սիյազանի, Քյուրդամիրի և Գաբալայի շրջանների, ինչպես նաև Մինգեչաուր քաղաքի և Գյոյգյոլի ազգային պարկի հրթիռային հարվածների վերաբերյալ փաստաթղթերը։

Հրապարակված փաստաթղթերից մեկն էլ կապված է եղել Արցախյան 44-օրյա պատերազմի ժամանակ Բարդա քաղաքին, իբր, «Հայաստանի ուժերի հրթիռային հարվածներին»։ Ուսումնասիրված փաստաթղթերում նշվում է, որ պատերազմի ժամանակ Բարդայի վրա տարբեր ժամանակներում կատարված հրթիռային հարվածների հետևանքով զոհվել է 29 մարդ, վիրավորվել՝ 112-ը։

Հաջորդ դատական նիստը տեղի կունենա հոկտեմբերի 9-ին։

Թարգմանությունը՝ Էմմա Չոբանյանի