16.11.2024 | 15:19
Не виноватая я, он сам пришел. մահացել է «Ադամանդե ձեռքը» հայտնի ֆիլմի դերասանուհի Սվետլանա Սվետլիչնայան
Կառավարությունը կարող է ապահովել կաթողիկոսի անվտանգությունը․ ՀՀԿ-ական պատգամավորի օրենսդրական նախաձեռնությունը մերժվեց․ ՏԵՍԱՆՅՈՒԹ
Քաղաքականություն
25.10.2018 | 13:39
Ազգային ժողովի «Հանրապետական» խմբակցության պատգամավոր Միհրան Հակոբյանը Կառավարության հավանությանն է ներկայացրել որոշման նախագիծ, որով առաջարկվում է լրացումներ կատարել պետական պաշտպանության ենթակա անձանց անվտանգության ապահովման մասին օրենքում և երաշխավորել Ամենայն Հայոց Կաթողիկոսի անվտանգությունն այնպես, ինչպես ապահովվում է վարչապետինն ու ՀՀ նախագահինը։
Հարցի զեկուցող արդարադատության նախարարի պաշտոնակատար Արտակ Զեյնալյանն առաջարկեց բացասական եզրակացություն տալ առաջարկվող փոփոխություններին, որովհետև Ամենայն Հայոց Կաթողիկոսը կրոնական գործիչ է, այլ ոչ թե բարձրաստիճան պաշտոնատար անձ, որի անվտանգության ապահովմանը վերաբերող հարցի կարգավորումն արդեն իսկ ամրագրված է օրենքի 5-րդ հոդվածի 3-րդ մասի դրույթներով:
Վարչապետի պաշտոնակատար Նիկոլ Փաշինյանն էլ որոշման նախագծի վերաբերյալ նկատեց, որ Ամենայն Հայոց Կաթողիկոսի անվտանգությունը պահպանելու համար օրենքի փոփոխություն կատարելու կարիք չկա, քանի որ Կառավարությունն ի վիճակի է ապահովել նրա անվտանգությունը և եթե անհրաժեշտություն լինի՝ ինքն անձամբ է պատրաստ դա քննարկել։
«Ես չեմ կարծում, որ կոռեկտ է Ամենայն Հայոց Կաթողիկոսին համարել պետական բարձրաստիճան պաշտոնյա և դնել պետական կառավարման համակարգի աստիճանակարգի մեջ»,- ասաց վարչապետի պաշտոնակատարը։
Կառավարությունը բացասական եզրակացություն տվեց որոշման նախագծին։
Մանրամասները՝ տեսանյութում։
