05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Կան բաներ, որոնց հանրայնացումն իրավիճակից է բխում. ՀՀԿ-ականը` ՔՊ-ից իմփինչմենթին միանալու մասին․ ՏԵՍԱՆՅՈՒԹ
Քաղաքականություն
03.10.2025 | 12:59
«Նիկոլ Փաշինյանին անվստահություն հայտնելու օրակարգով ԱԺ-ում հրավիրված լսումներից հետո աշխատանքներ իրականացվել են, ես հանդիպում եմ ունեցել «Հայաստան» խմբակցության իմ գործընկերների, մասնավորապես՝ Իշխան Սաղաթելյանի հետ»,- այս մասին խորհրդարանական ճեպազրույցների ընթացքում ասաց «Պատիվ ունեմ» խմբակցության քարտուղար Տիգրան Աբրահամյանը պատասխանելով Factor TV-ի հարցին։
«Արդյունավետ զրույց ենք ունեցել իրավիճակի և դրա վերաբերյալ մեր պատկերացումների հետ կապված։ Մեր խմբակցության ղեկավարը այս շաբաթ գործուղման մեջ է եղել, կան որոշակի հանդիպումներ, որոնք իր մասնակցությամբ են պայմանավորված։ Առաջիկայում, երբ սրա մասին ասելիք կլինի՝ մամուլին կփոխանցենք»,- փոխանցեց Աբրահամյանը։
Հարցին՝ արդյոք 7-8 ՔՊ-ականները, որոնք, ըստ Մարգարիտ Եսայանի, այլևս չեն ցանկանում Փաշինյանի «ստրկատիրական բարքերի ներքո ապրել», իրենց անվերապահ աջակցությունն են հայտնել իրենց շարժմանը՝ Աբրահամյանն արձագանքեց, որ այս աշխատանքի հիմքում դրված են որոշակի սկզբունքներ և մոտեցումներ և կան բաներ, որոնց հանրայնացումը կոնկրետ իրավիճակից է բխում։
Հիշեցնենք, որ «Պատիվ ունեմ» խմբակցությունը վարչապետի իմփիչմենթի հարցով խորհրդարանում հանրային լսումներ էր կազմակերպել։
Մանրամասները՝ տեսանյութում։
Մանյա Պողոսյան
