31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Մակրոնը շնորհավորել է Ալիևին Ադրբեջանի և Հայաստանի հետ հարաբերությունների կարգավորման համար
Քաղաքականություն
02.10.2025 | 21:12
Կոպենհագենում Եվրոպական քաղաքական համայնքի 7-րդ գագաթնաժողովի շրջանակում հանդիպել են Ֆրանսիայի նախագահ Էմանուել Մակրոնն ու Ադրբեջանի նախագահ Իլհամ Ալիևը։ Ըստ ադրբեջանական կողմի հաղորդագրության՝ Ֆրանսիայի նախագահը շնորհավորել է Ալիևին Ադրբեջանի և Հայաստանի միջև հարաբերությունների կարգավորման և խաղաղության օրակարգում ձեռք բերված արդյունքների կապակցությամբ։
Ալիևն ընդգծել է, որ Վաշինգտոնում Ադրբեջանի և Հայաստանի միջև ձեռք բերված արդյունքները, որոնց ականատես է եղել ԱՄՆ նախագահը, պատմական նշանակություն ունեն տարածաշրջանային խաղաղության օրակարգի առաջխաղացման համար։
Նա նաև նշել է, որ ներկայում տարբեր ուղղություններով իրականացվում են փոխադարձ աշխատանքներ՝ խաղաղության օրակարգի առաջխաղացման համար։
Հանդիպմանը նաև մտքեր են փոխանակվել Ադրբեջանի և Ֆրանսիայի միջև հարաբերությունների ներկա իրավիճակի և հեռանկարների վերաբերյալ։
Հավելենք, որ Մակրոնն ու Ալիևը զրույց էին ունեցել նաև այս տարվա մայիսին Ալբանիայում ընթացող Եվրոպական քաղաքական համայնքի 6-րդ գագաթնաժողովի շրջանակում։
Թարգմանությունը՝ Էմմա Չոբանյանի
