14.11.2024 | 19:45
ՔՊ-ն առաջարկում է 10 մլն դարձնել կուսակցություններին նվիրաբերվող գումարի չափը․ ՀՅԴ-ն աջակցում է. ՏԵՍԱՆՅՈՒԹ
«Ուիլլա» մրրիկը Մեքսիկայում հեղեղումների պատճառ է դարձել
Քաղաքականություն
25.10.2018 | 12:00
Մեքսիկայի ափերին հասած «Ուիլլա» մրրիկը, որն արդեն թուլացել է՝ հասնելով արևադարձային փոթորկի աստիճանի, երկրում հեղեղումների պատճառ է դարձել: Այս մասին գրում է ՌԻԱ Նովոստին:
Տարերային աղետի գոտում հայտնվել են Մեքսիկայի Սինալոա և Նայարիտ նահանգները. այստեղ գետերը դուրս են եկել հունից: Ռոսարիոյում մի քանի բնակավայր է հեղեղվել, իսկ Էսկուինապայում ուժեղ քամու հետևանքով էլեկտրահաղորդման գծեր են վնասվել՝ առանց էլեկտրականության թողնելով բնակիչներին:
Մինչ այդ, Մեքսիկայի իշխանությունները մոտեցող մրրիկի պատճառով արտակարգ դրություն էին հայտարարել Սինալոայի 7 և Նայարիտի 12 շրջաններում: Տարերային աղետի հետևանքով զոհերի մասին տեղեկություններ դեռևս չկան:
Նշենք, որ ավելի վաղ էլ Մեքսիկայի ափերին պատուհասել էր «Ռոսա» արևադարձային փոթորիկը:
