29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Ալբանիայի վարչապետը կատակել է Թրամփի վրիպակի հետ կապված․ «Մակրոնը չի շնորհավորել Ադրբեջանի և Ալբանիայի միջև խաղաղության գործարքի կապակցությամբ»․ ՏԵՍԱՆՅՈՒԹ
Քաղաքականություն
02.10.2025 | 14:30
Դանիայի մայրաքաղաք Կոպենհագենում ընթացող Եվրոպական քաղաքական համայնքի գագաթնաժողովին մասնակցող Ալբանիայի վարչապետ Էդի Ռաման կատակել է Ֆրանսիայի նախագահ Էմանուել Մակրոնի հետ զրույցում, որի ներկա է եղել նաև Ադրբեջանի նախագահ Իլհամ Ալիևը։
Դիմելով Մակրոնին՝ Ալբանիայի վարչապետն ասել է․ «Դուք պետք է նեողություն խնդրեք, քանի որ մեզ չեք շնորհավորել խաղաղության գործարքի կապակցությամբ, որը նախագահ Թրամփն արել է Ալբանիայի ու Ադրբեջանի միջև»։
Այս հայտարարությունը ներկաների ծիծաղն է առաջացրել։
Հիշեցնենք, որ ԱՄՆ նախագահ Դոնալդ Թրամփը, խոսելով Հայաստանի ու Ադրբեջանի խաղաղության գործընթացի մասին, շփոթվել էր՝ ասելով, թե Հայաստանը կռվել է Կամբոջայի հետ։ Մի քանի անգամ էլ նա Հայաստանն անվանել էր Ալբանիա և չէր կարողացել ճիշտ արտաբերել Ադրբեջան բառը։
Թարգմանությունը՝ Էմմա Չոբանյանի
