Թրամփը ՀԱՄԱՍ-ին 3-4 օր վերջնաժամկետ է տվել Գազայի գործարքի համար

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

ԱՄՆ նախագահ Դոնալդ Թրամփը հայտարարել է, որ ՀԱՄԱՍ-ը «երեք կամ չորս օր» ունի՝ արձագանքելու Գազայում խաղաղության վերաբերյալ իր ծրագրին, իսկ Կատարը, Եգիպտոսը և Թուրքիան խմբավորմանը կոչ են արել ընդունել այն, գրում է Sky news-ը։

ԱՄՆ նախագահը և Իսրայելի վարչապետ Բենիամին Նեթանյահուն երկուշաբթի Սպիտակ տանը ներկայացրել էին 20 կետից բաղկացած առաջարկը։

ՀԱՄԱՍ-ը հայտարարել է, որ իրեն ժամանակ է պետք՝ մանրամասները քննարկելու և այլ պաղեստինյան խմբավորումների հետ խորհրդակցելու համար։

Իսրայելը համաձայնել է պայմաններին, որոնք ներառում են անհապաղ հրադադար, բոլոր պատանդների ազատ արձակում, ՀԱՄԱՍ-ի զինաթափում, երաշխիք, որ ոչ ոք ստիպված չի լինի լքել Գազան, և կառավարող «խաղաղության հանձնաժողով», որի կազմում կլինի Բրիտանիայի նախկին վարչապետ Թոնի Բլեերը։

Axios-ը հաղորդում է, որ հիմնական միջնորդները, ինչպիսիք են Կատարը և Եգիպտոսը, կոչ են արել ՀԱՄԱՍ-ին  ընդունել գործարքը։ Այլ ազդեցիկ մահմեդական երկրներ, ինչպիսիք են Հորդանանը, ԱՄԷ-ն, Ինդոնեզիան, Պակիստանը և Սաուդյան Արաբիան, նույնպես հրապարակավ աջակցել են դրան։

Թրամփն ասել է, որ նրանք «պարզապես սպասում են ՀԱՄԱՍ-ին», և որ «շատ տխուր ավարտ» կլինի, եթե գործարքը մերժվի։

Մերձավոր Արևելքի լրատվամիջոցները ներկայացրել են ՀԱՄԱՍ-ի առաջնորդներից Մահմուդ Մարդավիի խոսքերը, որը հայտարարել է, որ խումբը չի համաձայնի այնպիսի գործարքի, որը չի ներառում «պաղեստինյան ժողովրդի ինքնորոշումը»։

Նեթանյահուն էլ զգուշացրել է, որ «կավարտի աշխատանքը», եթե ՀԱՄԱՍ-ը հրաժարվի, մինչդեռ Թրամփը հայտարարել է, որ «կթողնի Իսրայելին գնալ և անել այն, ինչ նրանք պետք է անեն»։

Այնուամենայնիվ, ծրագիրը համարվում է Իսրայելի համար բարենպաստ և որևէ պարտավորություն չի նախատեսում երկու պետությունների լուծման հարցում, ինչը Իսրայելի առաջնորդը խոստացել է, որ երբեք տեղի չի ունենա։

Այլ մանրամասներ, ինչպիսիք են Մեծ Բրիտանիայի նախկին վարչապետ Բլեերի ներառումը, նույնպես քննադատության են ենթարկվել Իրաք ներխուժման գործում նրա կարևոր դերի պատճառով։

ՀԱՄԱՍ-ի  կողմից ղեկավարվող առողջապահության նախարարության տվյալներով՝ Գազայում պատերազմում սպանվել է ավելի քան 66,000 մարդ։

Երեքշաբթի Իսրայելի կողմից հասցված հարվածների հետևանքով զոհվել է ևս 31 պաղեստինցի, հայտնել են տեղական հիվանդանոցները։ Նշվում է, որ Իսրայելի կողմից Մուվասի շրջանում, որը նախկինում համարվում էր անվտանգ գոտի, հասցված հարվածների հետևանքով զոհվել է 10 մարդ։

Իսրայելի զինված ուժերը անմիջապես չեն մեկնաբանել հաղորդագրությունները, սակայն հայտարարել են, որ վերջին 24 ժամվա ընթացքում հարվածել են ՀԱՄԱՍ-ի  ենթակառուցվածքների ավելի քան 160 թիրախների։

Համարվում է, որ ՀԱՄԱՍ-ը դեռևս պահում է հոկտեմբերի 7-ի հարձակման ժամանակ առևանգված 251 պատանդներից 48-ին, որոնցից 20-ը, ենթադրաբար, ողջ են։

Թարգմանությունը՝ Էմմա Չոբանյանի