Քաղաքականություն
24.10.2018 | 17:52Մեր իշխանության ժամանակ ընտրություն չի կեղծվելու, և ինձ չի հետաքրքրում՝ ով է հաղթելու, միանշանակ է, որ հաղթելու է ժողովուրդը։ Այս մասին այսօր խորհրդարանում լրագրողների հետ ճեպազրույցում ասաց Նիկոլ Փաշինյանը։
«Եթե ձեզ թվում է, որ ես ձև եմ անում, դուք կհամոզվեք հետո՝ ես ձև չեմ անում։ Երբ մենք կպարտվենք ընտրություններում, մեր պարտությունը կճանաչենք և սուսուփուս կգնանք ուրիշ գործերով կզբաղվենք։ Հարց հնչեց՝ շանս կա՞, որ ազատ ընտրություններ կանցկացվեն, ես ասում եմ՝ շանս չկա, որ ազատ ընտրություններ չեն անցկացվի»,- ասաց Փաշինյանը։
Հարցին՝ արդյոք Ընտրական օրենսգրքի փոփոխությունների չընդունումով Կառավարության ծրագրից շեղումներ չեն լինի, Նիկոլ Փաշինյանը պատասխանեց․ «Ո՛չ, նման բան չի ստացվի։ Կառավարության ծրագիրն իրականացնելու համար պետք է օրենք փոխվի, իսկ Կառավարությունն օրենք փոխելու լիազորություն չունի։ Կառավարությունն իրենից կախված ամեն ինչ արել է, օրենքի նախագիծը պատրաստել բերել է, Վենետիկի հանձաժողովի համաձայնությունն ստացել է։ Հիմա գնդակը խորհրդարանի դաշտում է»։
Մանրամասները՝ տեսանյութում։
