21.02.2026 | 16:59
Պուտինը ստորագրել է ԱԴԾ-ի պահանջով կապի անջատման մասին օրենքը
Ուկրաինայի վրա ՌԴ-ի զանգվածային հարձակման պատճառով Լեհաստանը կործանիչներ է օդ բարձրացրել
Քաղաքականություն
28.09.2025 | 15:25
Սեպտեմբերի 28-ի վաղ առավոտյան Լեհաստանի և ՆԱՏՕ-ի դաշնակիցների կործանիչները օդ են բարձրացվել, հայտնում է Լեհաստանի զինված ուժերի օպերատիվ հրամանատարությունը, փոխանցում է Meduza-ն։
Կործանիչները օդ են բարձրացվել «Ռուսաստանի Դաշնության ռազմաօդային ուժերի երկար հեռահարության ավիացիայի ակտիվության կապակցությամբ, որը հարվածներ է հասցնում Ուկրաինայի տարածքին»։
Օդային պաշտպանության (ՀՕՊ) և ռադիոլոկացիոն հետախուզության համակարգերը բերվել են բարձրագույն մարտական պատրաստվածության վիճակի։ Լեհական բանակը նշել է, որ ձեռնարկված միջոցները եղել են «կանխարգելիչ բնույթի»։
Հիշեցնենք՝ ռուսական բանակը սեպտեմբերի 28-ի գիշերը իրականացրել է այս տարվա սկզբից ի վեր ամենամասշտաբային հարձակումներից մեկը Ուկրաինայի վրա։ Ուկրաինայի ԶՈւ տվյալներով՝ արձակվել է մոտ 600 անօդաչու թռչող սարք և ավելի քան 40 հրթիռ։ Կիևում զոհվել է չորս մարդ, այդ թվում՝ 12-ամյա աղջիկ։ Ընդհանուր առմամբ, ողջ երկրում վիրավորվել է ավելի քան 60 մարդ։
Նշենք, որ սեպտեմբերի 10-ի գիշերը ՌԴ-ի մեկ այլ զանգվածային հարձակման ժամանակ ավելի քան 20 անօդաչու սարք մտել էր Լեհաստանի օդային տարածք։ Դրանց որսալու համար նույնպես օդ էին բարձրացվել կործանիչներ, և մի քանի ԱԹՍ-ներ խոցվել էին։
