30.07.2026 | 13:33
Հայաստանի պատանի ինֆորմատիկները Եվրոպական օլիմպիադայում 4 մեդալ են նվաճել
Համագործակցության նոր էջ կենսաբազմազանության պահպանության ոլորտում. ՀՀ-ն և Նորվեգիան հուշագիր են ստորագրել
Տնտեսություն
25.09.2025 | 23:14
Նյու Յորք աշխատանքային այցի շրջանակում կարևոր նախաձեռնություն ունեցանք․ համագործակցության հուշագիր ստորագրեցինք Նորվեգիայի շրջակա միջավայրի և կլիմայի նախարար Անդրեաս Էրիկսենի հետ։ Այս մասին ֆեյսբուքյան իր էջում գրել է ՇՄ նախարար Համբարձում Մաթևոսյանը։
«Այս հուշագիրը նոր էջ է բացում Հայաստանի և Նորվեգիայի միջև հարաբերություններում, հատուկ ուշադրություն դարձնելով կենսաբազմազանության պահպանությանը։
Համագործակցությունը նախատեսում է տեղեկատվության և փորձի փոխանակում, մասնագետների և պաշտոնյաների փոխայցելություններ, ինչպես նաև համատեղ ծրագրերի և նախաձեռնությունների իրականացում։
Սա մեզ հնարավորություն կտա ավելի արդյունավետ իրականացնել կենսաբազմազանության պահպանության քաղաքականությունը, ներդնել Նորվեգիայի փորձը և համատեղ ուժերով առաջ մղել այն օրակարգերը, որոնք բխում են Կունմին-Մոնրեալի գլոբալ կենսաբազմազանության շրջանակից։
Այս փաստաթուղթը ոչ միայն գործնական ծրագրերի հիմք է դնում, այլև խորացնում է մեր երկրների միջև բարեկամական և գործընկերային հարաբերությունները։
Հայաստանը բարձր է գնահատում Նորվեգիայի առաջնորդությունը կլիմայի փոփոխության դեմ պայքարում, անտառների և կենսաբազմազանության պահպանության ոլորտում, ինչպես նաև պլաստիկի աղտոտման դեմ գլոբալ գործընթացում ունեցած առանցքային դերը։
Վստահ եմ, որ մեր համատեղ քայլերը կնպաստեն ոչ միայն երկու երկրների ընդհանուր նպատակների իրականացմանը, այլև գլոբալ կայուն զարգացման մեծ գործընթացին»,- գրել է նախարարը։
