29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Նովոռոսիյսկի կենտրոնին ուկրաինական ԱԹՍ-ների հարվածների հետևանքով զոհեր և վիրավորներ կան․ ՏԵՍԱՆՅՈՒԹ
Քաղաքականություն
24.09.2025 | 17:00
Ռուսաստանում Նովոռոսիյսկի վրա անօդաչու թռչող սարքի հարձակման հետևանքով վնասվել է Կասպյան խողովակաշարային կոնսորցիումի գրասենյակը։ Երկու աշխատակից վիրավորվել է։ Այս մասին հայտնել են ընկերությունից, փոխանցում է BBC-ի ռուսական ծառայությունը։
«Հարձակման հետևանքով լուրջ վնասներ են գրանցվել գրասենյակի շենքում»,- հաղորդում է ՌԲԿ-ն։
Ավելի վաղ Կրասնոդարի երկրամասի նահանգապետ Վենիամին Կոնդրատևը հայտնել էր, որ անօդաչու թռչող սարքը հարվածել է քաղաքի կենտրոնին՝ «Նովոռոսիյսկ» հյուրանոցի մոտակայքում: Տելեգրամյան ալիքները տեսանյութեր են հրապարակել, որոնցում հաղորդվում է հյուրանոցի շենքի վնասման և այրվող մեքենաների մասին։
Մարզային վարչակազմի արտակարգ իրավիճակների արձագանքման խումբը հայտնել է երկու զոհի և վեց վիրավորների մասին: Վնասվել է քսան մեքենա, որոնցից երեքն ամբողջությամբ այրվել են:
Կասպյան խողովակաշարային կոնսորցիումի օբյեկտները նախկինում էլ են եղել ուկրաինական հարձակումների թիրախ։ Այս տարվա փետրվարին անօդաչու թռչող սարքերը հարվածել էին Կրոպոտկինսկայա նավթի պոմպակայանին՝ դադարեցնելով դրա գործունեությունը, որի աշխատանքը վերսկսվել էր միայն մայիսի վերջին։ Ընկերությունը վնասը գնահատել է 2,7 միլիարդ ռուբլի։
Ղազախստանի արտաքին գործերի նախարարությունը հայտարարել էր, որ բանակցություններ է վարում Կիևի հետ անվտանգության վերաբերյալ։
Կոնսորցիումը կապում է Ղազախստանի արևմտյան մասում գտնվող նավթահանքերը և Կասպից ծովի շելֆի ռուսական հանքավայրերը Նովոռոսիյսկի ծովային տերմինալի հետ։ Համակարգը ղազախական նավթի արտահանման հիմնական ուղին է։
Թարգմանությունը՝ Էմմա Չոբանյանի
