09.08.2026 | 11:47
Վթարային ջրանջատում Երևանում
ՌԴ-ում զորակոչ կլինի օրացուցային ամբողջ տարվա ընթացքում․ Պետդուման առաջին ընթերցմամբ ընդունել է օրինագիծը
Քաղաքականություն
24.09.2025 | 21:15
Պետդումայի պատգամավորներն առաջին ընթերցմամբ ընդունել են օրինագիծ, որը նախատեսում է քաղաքացիների զինվորական ծառայության զորակոչ օրացուցային ամբողջ տարվա ընթացքում՝ հունվարի 1-ից մինչև դեկտեմբերի 31-ը, գրում է Meduza-ն։
Փաստաթղթի համաձայն՝ այդ ժամանակահատվածում զինվորական կոմիսարիատները կկարողանան կազմակերպել զորակոչիկների բժշկական զննումներ, անցկացնել հոգեբանական ստուգումներ և զորակոչային հանձնաժողովների նիստեր։
Այնուամենայնիվ, ինչպես նախկինում, զորակոչիկները կուղարկվեն իրենց ծառայության վայրեր տարեկան երկու անգամ՝ ապրիլի 1-ից մինչև հուլիսի 15-ը և հոկտեմբերի 1-ից մինչև դեկտեմբերի 31-ը։
Օրինագիծը սահմանում է, որ զորակոչիկներին ծանուցագրեր կուղարկվեն ամբողջ տարվա ընթացքում՝ անկախ ամսից: Նախաձեռնությունը նպատակ ունի «թեթևացնել զինվորական կոմիսարիատների բեռը, որոնք կգործեն բնականոն և սահուն ամբողջ տարվա ընթացքում, այլ ոչ թե տարեկան ընդամենը երեք ամիս։ Այս մասին ասել է օրինագծի հեղինակ և Պետդումայի պաշտպանության հանձնաժողովի նախագահ Անդրեյ Կարտապոլովը։
Փաստաթղթում նաև նշվում է, որ զորակոչիկները, որոնք որևէ պատճառով չեն ստացել ծանուցում, պետք է ներկայանան զինվորական կոմիսարիատ՝ իրենց տվյալների ստուգման համար՝ զինվորական ծառայության հաջորդ շրջանի մեկնարկից հետո երկու շաբաթվա ընթացքում:
Թարգմանությունը՝ Էմմա Չոբանյանի
