17.03.2026 | 13:10
«Արմենիա» ԲԿ-ի բժշկուհին մեղադրվում է ազգականին երիկամի ապօրինի վաճառքին օժանդակելու համար․ ՔԿ
«Հայերի նպատակը իրենց ամոթալի բծերը թուրք ազգին վերագրելն է». Յըլդըրըմը՝ Ցեղասպանության մասին
Քաղաքականություն
24.10.2018 | 13:04
Թուրքիայի խորհրդարանի նախագահ Բինալի Յըլդըրըմը Կարսում, Կովկաս համալսարանի 2018-2019 ուստարվա բացման միջոցառմանը հանդես է եկել ելույթով, որի ընթացքում Հայաստանի վերաբերյալ հայտարարություններ է արել. փոխանցում է ermenihaber-ը:
Յըլդըրըմն իր ելույթում անդրադառնալով Հայոց ցեղապանության հարցին, կրկնել է թուրքական պաշտոնական թեզերը՝ հայտարարելով.
«Ցեղասպանության վերաբերյալ պնդումը ստոր պնդում է: Առանց այդ էլ ցեղասպանթյուն, էթնիկական զտում և նմանատիպ բարբարոսություն արտահայտող այլ տերմիններ մեզ բնորոշ չեն: Նրանց նպատակը իրենց ամոթալի բծերը թուրք ազգին վերագրելն է: Նրանց այս պնդումներին մեր պատասխանը հստակ է: Պատմությունը պատմաբանների ուսումնասիրության ոլորտն է, դա կարևոր հարց է: Պատմության ընթացքում տեղի ունեցած իրադարձությունները պետք է պատմաբանները քննարկեն ու գնահատեն: Ասել ենք, որ, եթե ցանկանում են, բոլորի առջև կբացենք մեր արխիվները, ցանկացողը թող գա նայի: Եթե ցանկանում են, թող պատվիրակություն կազմեն մեր պատմաբանների, մասնագետների հետ համատեղ աշխատեն»:
Յըլդըրըմը հերթական անգամ հայ-թուրքական հարաբերությունների կարգավորումը կապել է ԼՂ հակամարտության հետ նշելով, որ եթե Հայաստանը մտադիր է Թուրքիայի հետ հարաբերությունները կարգավորել, ապա պետք է հրաժարվի Լեռնային Ղարաբաղից:
«Հայաստանը ժամանակ առ ժամանակ հայտարարում է՝ «Ես ցանկանում եմ Թուրքիայի հետ հարաբերություն հաստատել, մեր հարաբաերությունները զարգացնել»: Եթե իսկապես նման մտադրություն ունի, ուրեմն նախ և առաջ պետք է դուրս գա Լեռնային Ղարաբաղում իր բռնազավթած հողերից: Պետք է հնարավորություն ընձեռի օկուպացիայի զոհ դարձած մոտ 1 միլիոն ադրբեջանցու վերադառնալ իրենց հողերը: Հայաստանը Թուրքիայի վերաբերյալ իր պնդումներից պետք է հրաժարվի: Պետք է առանց որևէ պայմանի ընդունի իրողությունները»,- ասել է Թուրքիայի խորհրդարանի նախագահը:
