07.12.2025 | 18:30
Իրավիճակը՝ 18:10-ի դրությամբ․ հանրապետության որոշ հատվածներում ձյուն է տեղում, որոշներում՝ ձնախառն անձրև
Ուկրաինան պատրաստ է Թրամփին առաջադրել Խաղաղության Նոբելյան մրցանակի, եթե նա ավարտի պատերազմը. Զելենսկի
Քաղաքականություն
23.09.2025 | 23:39
Ուկրաինան պատրաստ է Թրամփին առաջադրել Խաղաղության Նոբելյան մրցանակի, եթե նա ավարտի պատերազմը, հայտարարել է Վլադիմիր Զելենսկին՝ պատասխանելով Նյու Յորքում DW-ի թղթակցին ԱՄՆ նախագահի հնարավոր առաջադրման մասին հարցին։
«Թրամփը հնարավորություն ունի ավարտել այս պատերազմը, և եթե նա ավարտի այն, միանգամայն վստահ եմ, որ բոլոր ուկրաինացիները դա կանեն հաճույքով։ Քանի որ այդ առաքելությունն «unbelievable» է այն ավարտելու համար», – ասել է Ուկրաինայի նախագահը Թրամփի հետ զրույցից հետո։
Ինքը՝ Դոնալդ Թրամփը, DW-ի թղթակցի նմանատիպ հարցին պատասխանել է երկու բառով՝ «Ինչու ոչ»։ Վլադիմիր Զելենսկու և Դոնալդ Թրամփի հանդիպումը Գլխավոր ասամբլեայի շրջանակներում տևել է մոտ մեկ ժամ։
Ավելի վաղ տեղեկացրել էինք, որ Նյու Յորքում անցկացվում է ՄԱԿ-ի Գլխավոր ասամբլեայի 80-րդ նստաշրջանը։
