16.11.2024 | 17:00
Բժանիան նշել է Աբխազիայի նախագահի պաշտոնից իր հրաժարականի պայմանը
ՀԱՊԿ գլխավոր քարտուղարի փոփոխության ընթացակարգը դեռ քննարկվում է. ԱԳՆ խոսնակ
Քաղաքականություն
24.10.2018 | 12:08
Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարի փոփոխությանը կամ Հայաստանի կողմից կազմակերպությունում նախագահությունը փոխանցելուն վերաբերող որևէ նորություն այս պահին չկա: Այս մասին այսօր՝ հոկտեմբերի 24-ին, տեղի ունեցած ճեպազրույցում ասաց ՀՀ ԱԳՆ մամուլի խոսնակ Աննա Նաղդալյանը՝ պատասխանելով ռուսական մամուլի հրապարակումների մասին հարցին, որը վերաբերում է ՀԱՊԿ նախագահությունը Հայաստանից վերցնելու մտադրությանը:
«Որևէ նոր բան ասել չեմ կարող: Պետք է նշեմ կրկին, որ խորհրդակցությունները ՀԱՊԿ համապատասխան մարմիններում շարունակվում են: Դրանք վերաբերում են ՀԱՊԿ կանոնակարգի շրջանակում կոնսենսուսային լուծումներ գտնելուն: Ինչպես գիտեք՝ ՀԱՊԿ կանոնակարգերով սահմանված չէ գլխավոր քարտուղարի փոփոխության ընթացակարգ: Երբ խորհրդակցությունների արդյունքները կներկայացվեն Հավաքական անվտանգության Խորհրդի հաստատմանը, հայտնի կդառնան հանրությանը»,- հավելեց ԱԳՆ խոսնակը:
Ինչ վերաբերում է Երևանում նախանշված ՀԱՊԿ Խորհրդարանական վեհաժողովը Մոսկվա տեղափոխելուն, Աննա Նաղդալյանի պնդմամբ՝ որոշումը տեխնիկական էր. «Սա զուտ տեխնիկական որոշում էր, որը պայմանավորված էր Հայաստանում տեղի ունեցող ներքաղաքական զարգացումներով: Որևէ այլ պատճառ նման որոշման համար չկար»:
